ރައީސް އޮފީހުގެ ސްޕޯކްސްޕާސަން އަދި އެންސްޕާގެ ސީއީއޯ ހީނާ ވަލީދުގެ ބައްޕާފުޅު ހަސަން ވަލީދު ނިޔާވެއްޖެއެވެ.
ހީނާގެ ބައްޕަ އަވަހާރަވީ މިއަދު މެންދުރުގެ ވަގުތެއްގައި އިންޑިއާގެ ބެންގަލޫރުގެ ހޮސްޕިޓަލެއްގައި ކެންސަރަށް ފަރުވާ ހޯއްދަވަމުން ގެންދަވަނިކޮށެވެ.
އަވަހާރަވިއިރު އުމުރުން 70 އަށް ވުރެ މަތިވާނެއެވެ.
ހަސަންބެއަކީ އައްޑޫ ސިޓީގެ ހިތަދޫއަށް އުފަން ބޭފުޅެކެވެ. އެއީ ދީނަށް ލޯބި ކުރައްވާ ހިތަދޫގެ ފަޒާ މިސްކިތުގެ އިމާމުކަން ވަރަށް ގިނަ ދުވަސްވަންދެން ކުރެއްވި ބޭފުޅެކެވެ.
އަދި ހިލޭ ގުރުއާން އުނގަންނައިދިން ބޭފުޅެކެވެ.
ހަސަންބެ އަވަހާރަވުމާ ގުޅިގެން ގިނަ ބަޔަކުދަނީ ސޯޝަލް މީޑިއާގައި އާއިލާއަށް ތައުޒިޔާ ފޮނުވަމުންނެވެ.
އެ ޕޯސްޓުތަކުގައި ބުނެފައިވަނީ އެއީ މިސްކިތުގެ އަހުލުވެރިއެއް ކަމަށާއި އެއީ އެހެން މީސްތަކުންނަށް ހިތްހެޔޮ ކަމާއެކު އެހީތެރިކަން ފޯރުކޮށްދެއްވި ބޭފުޅަކަށް ވީ އިރު އެއީ ވަރަށް ދީލަތި ބޭފުޅެއް ކަމަށް އެ ޕޯސްޓުތަކުގައި ފާހަގަކޮށްފައިވެ އެވެ.
