ލ. ފޮނަދޫ މެދު އަވަށުގައި އަބްދުއްރަހީމްގެ އާއިލާއިން ހިންގާ އަރާފާ ޓްރޭޑާސްއިން އެ ދާއިރާގައި ހިމެނޭ ރަށްރަށުގެ ގޭގެއަށް ތެލި ސެޓު ބަހަން ފެށިކަން ހާމަވެއްޖެއެވެ.
އެ ދާއިރާގައި ހިމެނޭ ފޮނަދުއާއި މާމެންދޫގެ ގޭގެއަށް އަރާފާ ޓްރޭޑާސްއިން ހަދިޔާ ކުރި ތެލި ސެޓު ތަކުގެ ބޭރުގައި "އަރާފާ ޓްރޭޑާސްގެ ހެޔޮ އެދުންތަކާއެކު" ކަމަށް ވަނީ ލިޔެފައެވެ.
އަރާފާ ޓްރޭޑާސް އަކީ އަބްދުއްރަހީމްގެ ގެ، "އަރާއިރު" އަށް ރެޖިސްޓަރީ ކޮށްފައިވާ ވައިޓް ލިންކްސް ޕްރައިވެޓް ލިމިޓެޑުގެ ދަށުން ހިންގާ ފިހާރައެއް ކަން ފާހަގަކޮށްލެވެއެވެ.
ވައިޓް ލިންކްސް ޕވޓ. ލމޓ. ގެ މެނޭޖިން ޑިރެކްޓަރަކީ އަބްދުއްރަހީމްގެ ދަރިކަނބަލުން، ފާތިމަތު ސޮބާހާ އަށް ވާއިރު އެ ކުންފުނީގެ ޑިރެކްޓަރަކީ އަނބިކަނބަލުން ދިޔާނާ ހުސެއިން އެވެ.
އަރާފާ ޓްރޭޑާސްއިން ފޮނަދޫ ގޭގެއަށް ތެލިސެޓު ބަހަމުންދާއިރު، ކުރިއަށް އޮތް މަޖިލިސް އިންތިހާބަށް އަބްދުއްރަހީމް ވަނީ ފޮނަދޫ ދާއިރާއަށް ކުރިމަތިލައި ކެމްޕޭނު ކުރައްވަމުންނެވެ.
