ސަރުކާރު ހިންގާ މައި ޕާޓީ، ޕީޕަލްސް ނެޝަނަލް ކޮންގްރެސް، ޕީއެންސީއާ އަދި އިދިކޮޅު ޕާޓީ މޯލްޑިވިއަން ޑިމޮކްރެޓިކު ]ޕާޓީ، އެމްޑީޕީ ނުހިމެނޭ ހެން ސިޔާސީ ޕާޓީތަކަށް ފައިސާ ދޫކުރަން ފިނޭންސް މިނިސްޓްރީގައި އެދިއްޖެއެވެ.

އިލެކްޝަން ކޮމިޝަންއިން ހާމަކޮށްފައިވާ ގޮތުގައި ރާއްޖޭގައި ސިޔާސީ ޕާޓީތަކުގެ ތެރެއިން ހަތަރު ޕާޓީއަކަށް ފައިސާ ދޫކޮށް ދޭން އެދިފައިވާނެ ކަމަށެވެ. އެ ހަތަރު ޕާޓީއަކީ، ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް)، ޖުމްހޫރީ ޕާޓީ، އަދާލަތު ޕާޓީގެ އިތުރުން އެމްޑީއޭއެވެ.

ފާޓީތަކަށް ފައިސާ ލިބޭ އަދަދު:

އެމްޑީޕީ: 15.1 މިލިއަން ރުފިޔާ
ޕީޕީއެމް: 10.4 މިލިއަން ރުފިޔާ
* ޕީއެންސީ: 8 މިލިއަން ރުފިޔާ
* ޖުމްހޫރީ ޕާޓީ: 5.3 މިލިއަން ރުފިޔާ
* އެމްޑީއޭ: 2.4 މިލިއަން ރުފިޔާ
* އަދާލަތު ޕާޓީ: 2.5 މިލިއަން ރުފިޔާއެވެ.

ނަމަވެސް ފައިސާ ދޫކުރަން އެދިފައިވަނީ ޕީއެންސީ އަދި އެމްޑީޕީ ނުހިމަނައެވެ. ސަބަބެއް ކަމަށް އީސީއިން ހާމަކޮށްފައިވަނީ، އެމްޑީޕީއަށް ފައިސާ ދޫކުރުން މަޑު ޖައްސާފައިވަނީ އަހަރީ ރިޕޯޓު ލިބުން ލަސްވުމުން ކަމަށެވެ. ނަމަވެސް މިހާރު އަހަރީ ރިޕޯޓު ލިބިފައިވާ ކަމަށާ އެ ރިޕޯޓު ދިރާސާ ކުރަމުން ދާ ކަމަށެވެ.

ޕީއެންސީއަށް ފައިސާ ދޫނުކޮށް ހިފަހައްޓާފައިވަނީ ފައިސާ ޖަމާކުރަން އެކައުންޓެއް ހުޅުވުމުގެ މައްސަލަ ދިމާވެގެން ކަމަށް ވެސް އީސީއިން ވަނީ ހާމަކޮށްފައެވެ. މި ފެށޭ ހަފްތާގައި އެ ދެ ޕާޓީއަށްވެސް ފައިސާ ދުކުރުމުގެ ކަންކަންކުރިއަށް ދާނެކަމަށް ވެސް އީސީއިން ވަނީ ހާމަކޮށްފައެވެ.