މީހެއްގެ ގައިގައި ސައިކަލުން ޖެހުމުން މަޑުނުކޮށް ފިލި ބަޔަކު ހޯދަމުންދާ ކަމަށް ފުލުހުން ބުނެފިއެވެ.
އެގޮތުން އްޒުދީން މަގުގައި ކުނި ކަހަން ހުރި މީހެއްގެ ގައިގައި އެ މަގުން ދުއްވާފައި ދިޔަ ސައިކަލަކުން ޖެހި އެކްސިޑެންޓެއް ހިނގާފައިވާ ކަަަމަށް ރޭ 23:17 ހާއިރު ފުލުހުންނަށް ރިޕޯޓްކޮށްފައިވާ ދާދި ދެންމެ އަކު ފުލުހުންވަނީ މީޑިޔާ ގްރޫޕުގައި މައުލޫމާތު ހިއްސާކޮށްފައެވެ.
މީގެ އިތުރުން މި އެކްސިޑެންޓް ގައި އަނިޔާވި މީހާއަށް އައިޖީއެމްއެޗް ގައި ދަނީ ފަރުވާ ދެމުން ކަމަށާ އެއީ 48 އަހަރުގެ ދިވެހި އަންހެނެއްކަމަށް ވެސް މައުލޫމާތު ހިއްސާކޮށްފައިވެއެވެ.
އެކްސިޑެންޓް ހިނގި ވަގުތު ސަައިކަލް ތިބި ދެ މީހުން މަޑުނުކޮށް ވަނީ ފިލާފައެވެ. ފުލުހުން ބުނީ އެ ސަައިކަލާައެކު އެ މީހުން ހޯދުމުގެ މަސައްކަތް ކުރަމުންދާ ކަމަށެވެ.
މިފަހަކަށް އައިސް ރާއްޖޭގައި ދަނީ މިފަދަ ހިޓް އެންޑް ރަން ކޭސްތައް އިތުރުވަމުންނެވެ. ނަމަވެސް މިފަދަ ކަންކަން ހުއްޓުވުމަށް ކަމާ ގުޅުން ހުރި މުއައްސަސާތައްވަނީ ނުކުޅެދިފައިކަން ފާހަގަކޮށްލެވެއެވެ.
