ލައިންސަންސް ނެތް މީހަކު ދުއްވި ސައިކަލެއްގައި ކާރެއް ޖެހި ނުރައްކާތެރި އެކްސިޑެންޓެއް ހިގައިފިއެވެ.

މިކަމާ ގުޅިގެން ފުލުހުން މީޑިޔާތަކާ ހިއްސާކުރި މައުލޫމާތުގައިވާ ގޮތުން އެކްސިޑެންޓު ހިނގީ ބޮޑުތަކުރުފާނު މަގު، ސްޓެލްކޯ ކައިރިން ހުންނަ އެފްއެސްއެމްގެ ޕެޓްރޯލް ޝެޑު ކައިރިން ހުޅަނގު އިރަށް ބާރަށް ދުއްވާފައި ދިޔަ ސައިކަލަކާއި ކާރެއް ޖެހިގެން ކަމަށެވެ.

ރޭ ފަތިހުގެ ވަގުތެއްގައި ހިނގި މި އެކްސިޑެންޓް ހިނގާފައިވަނީ، ކާރު، ދެ ޝެޑް ދޭތެރެއިން ގޯޅިއަޅަން އުޅުމުން ސައިކަލުގައި ޖެހިގެންނެވެ.

ސައިކަލް ދުއްވަން އިން 18 މީހާގެ އަތުގައި އެއްގަމު އިންޖީނުލީ ދުއްވާތަކެތި ދުއްވުމުގެ ލައިސަންސް ނެތް ކަމަށް ވެސް ފުލުހުން ވަނީ ހާމަކޮށްފައެވެ.

މި އެކްސިޑެންޓުގައި، ސައިކަލް ދުއްވަން އިން މީހާއަށް ސީރިއަސް އަނިޔާތަކެއް ލިބި ދަނީ ހޮސްޕިޓަލުގައި ފަރުވާދެމުންކަމަށް ފުލުހުން މައުލޫމާތު ހިއްސާކޮށްފައިވެއެވެ.