މެންދުރުގެ ހޫނު ގަދަ ގަޑިއެވެ. ގޭގައި ހުރެފައި ފޭސްބުކަށް ވަދެލީ ކުޑަކޮށް ޚަބަރުތައް ބަލާލުމުގެ ނިޔަތުގައެވެ. އެއާއެކު ލޮލުގައި އަޅައިގަތީ ސަރުކާރު ޕްރޮމޯޓު ކުރުމަށް، ސަރުކާރުގެ ކުންފުނިތަކުން ޚަރަދުކުރަން ހަމައެކަނި ހުއްދަ ލިބިފައި އޮތް "އަސްލު" ޓީވީގެ ފޭސްބުކް ލައިވެކެވެ.

ސަރުކާރު ހިންގާ މައި ޕާޓީގެ އަރުތަވެރިން ތިބީ އަތުރާފައި ހުރި ގޮނޑިތަކުގައި ތަރުތީބަކުން އިށީދެގެންނެވެ. ފެންނަ ފެނުމަށް ކުރިއަށް ދިޔައީ ޕެނަލް ޑިސްކަޝެނެއް ކަހަލަ ކަމެކެވެ. ވިލަރެސް ކުރަން ދޮގު ހަދަން ނޭނގޭ، ޕީއެންސީގެ މަޖިލިސް އިންތިހާބުގެ ޗީފު ސްޕޯކްސްޕާސަން ކަމަނާއެވެ.

ވާނުވާ ބަލާލާނަމޭ ހިތާ އަޑު ަޖއްސާލީމެވެ. ވާހަކަ ދައްކަމުން ދިޔައީ މި ސަރުކާރުގެ އެޗްޑީސީގެ އެމްޑީ ފަޒުލް ރަޝީދެވެ. ފަޒްލުގެ ވާހަކއިގެ އިވުނީ ކުޑަ ތަންކޮޅެކެވެ. ނިންމާލުމުން ސްޕޯކްސްޕާސަން ކަމަނާ ސުވާލު އަމާޒުކުރެއްވީ ޕިއެންސީގެ ނައިބު ރައީސްގެ މަގާމުގައި ހުރި މުހައްމަދު ނިމާލަށެވެ. ކޮކާ ނިމާލަށެވެ.

އެއާއެކު ނިމާލު ބިސްމިކިޔާ ހަމްދު ސަނާ ކިޔުމަށްފަހު ފެށީ ވަރަށް ފައްކާ ވާހަކައެކެވެ. ހުޅުމާލޭ ދާއިރާގެ ކައުންސިލަރަކަށް ހުރި އިބްރާހިމު ޝުޖާއު އޭގެ ކުރިން ދެއްކި ކޮންމެވެސް ވާހަކައަކަށް ބާރުދީ ކޮންމެވެސް ކެފޭ އެއްގެ ވާހަކަ ފެއްޓެވިއެވެ.

ކެފޭއެއްގެ ތެރޭގައި ވަކި ބަޔަކު ތިބެ ޗެނަލް13 އޮޕަރޭޓުކުރަމުން ދިޔައީ ކަމަށާ ރައީސް އަބްދުﷲ ޔާމީންގެ ހައްގުގައި އެމަނިކުފާނަށް ވަފާތެރި މަދު ބަޔަކު ގައިން ހަން ކޮށައިގެން ލެޔާ ތަތްތެޅިގެން ކުރި މުޒާހަރާތައް ދެއްކީ ވަކި ބަޔަކު ޕްރޮމޯޓުކުރަން ކަމަށް ވިދާޅުވެ ނިމާލު ވާހަކަ ދެއްކެވިއެވެ.

މިހާ ހިސާބުން ހިތަށް އެރިއެވެ. ކެފޭއެއްގައި ހިންގި ޖަރީމާއެކޭ ކިޔާ އަނގަ ހުޅުވަން ހަމަ އެންމެ ރަގަޅު ބޭފުޅަކީ ނިމާލުބާއެވެ. ރައީސް ޔާމީންގެ ހައްގުގައި ކުރި މުޒާހަރާތަކުގައި ބައިވެރިން ހަނާ ހުނިވީއިރު ނިމާލް އިންނެވީ ކޮންތާކުތޯއެވެ؟

ލެސޫކޭ ކިޔުނު ރެސްޓޯރެންޓެއްގައި ކޮފީއާ ދުފާ އެއްޗެހިއްސާ އެއްކޮށް އެތަނުގެ ގަޮނޑި ފަޅުފިލުވަން ނިމާލު އިންނެވީ ދެ މިޔަކަނުން ހައްޕުޑު ފައިބަމުން ދިޔަ ހާލުގައެވެ. ކުރިމަތީގައި ހުރި ގޮނޑިތައް ފަޅުފިލުވަން ރީތި ދޮން އަންހެން ކުދިން ގެނެސް ބައިތިއްބާފައި ތިބެއެވެ. އަރިހުގައި ޕީޕީއެމްގެ ލޯޔަރުންގެ ޓީމުގައި ހިމެނިވަޑައިގަންނަވާ ނިކަން ފުންނާބު އިސް ލޯޔަރެއްވެސް އިންވައެވެ.

މިކަން މުޒާހަރާއަށް ދިޔަ ބައިވެރިން ހެކިވާނެއެވެ. ދެން އޮތީ ޗެނަލް 13އާ ބެހިލިއިރު ލޯކަލް ކައުންސިލްގެ ގޮނޑިއަށް ވަޑައިގެންެވުމަށް ކުރެއްވި ދަތުރުފުޅު މަތިން ހަނދާން އެބަހުރިތޯއެވެ؟ ނެތިއްޔާ ހަނދުމަ އައު ކޮށްލާށެވެ.

ރައީސް މުއިއްޒި މުޒާހަރާގެ ބައިވެރިންނަށް ކާ އެއްޗެއްހި ފޯރުކޮށްދިން ވާހަކަ ދެއްކެވިއިރު، އެ ކާއެއްޗެހީގެ ފެންވަރުގެ ވާހަކަވެސް ދެއްކެވި ނަމައެވެ. އަދި އެ މުޒާހަރަތަކުގެ ބައިވެރިން ކުޅި ފާރޮއްޓާ ބޮނޑިބަތާ ފަދަ އެއްޗެހި ކެއި އިރު، އެ މުޒާހަރާވެރިން ކުރި މުޒާހަރާގެ ކުޅި ބަލަން މަތީ ހަރުފަތުގައި ތިބޭ ވެރިން ޕާޓީ ޚަރަދުގައި ތަންތަނުން އޯޑަރަށް އެންމެހާ މޮޅޭތި ބާވަތްތަކުގެ ކާއެއްޗެހި ގެނެސްގެން ކެއި ވާހަކަވެސް ވިދާޅުވި ނަމަ ހާދަހާ ވާ ފުރިހަމަ ވީސްއެވެ. ބައެއް ވާހަަކަތައް ދައްކަވާ އަނެއްބައި ވާހަކަތައް ނުދައްކަވާ ތިޔަ ދޫކުރެއްވީ ކީއްވެތޯއެވެ؟

އަމިއްލަ މީހާ ޕްރޮމޯޓުވުމަށް ކިތައް ރޭ ދަންވަރު ޗެނަލްގެ މުވައްޒަފުންނަށް މެސެޖުކޮށް ތިމަންނާ ޓްވީޓުކޮށްފައި އިންނާނެއޭ ޚަބަރު ހަދާލައްޗޭ ވިދާޅުވިންތޯއެވެ؟ މިއަދު ޗެނަލް13 ކަމު ނުގޮސްގެން ތިޔަހާ ވަރުތަކެއް ތިޔަ އަރުވާއިރު މިވާހަކަތައް ވެސް އަޅެ ވިދާޅުވިނަމައެވެ.

ކ. އަތޮޅުގެ ރައްޔިތުން އެތައް އިތުބާރެއްކޮށް ހަވާލުކުރި އަތޮޅު ރައީސްކަން ބޮލާލާ ޖެހުމަށްފަހު އިސްތިއުފާ ދިން ސަބަބުވެސް އަޅެ ވިދާޅުނުވީ ކިއްވެތޯއެވެ؟ ރައްޔިތުންގެ ޚާދިމުކަމަށް ވުރެ ބޭރު ގައުމެއްގެ ސަފީރުކަމުގެ ދަހިވެތިކަން މާބޮޑުވެގެން ދެއްތޯއެވެ؟

ނަމަވެސް އެ މަގާމުވެސް ނުލިބި ލަސްވާތީ ޝަކުވާ ކުރިވެސް ޗެނަލް13ގެ މުވައްޒަފުން ކައިރީގައެވެ. މި ވާހަކަވެސް ފޯރަމްގައި ވިދާޅުވި ނަމަ ހާދަހާ ފުރިހަމަވީސްއެވެ.

ރައީސް ޔާމީންގެ އާއިލާވެގެން މާވަރަކަށް އުޅުއްވިއިރު، އެމަނިކުފާނު ހައްގުގައި ވަފާތެރިން ކުރި މުޒާހަރާތަކުގައި، މެޑަލް ޖެއްސެވި "އާއިލީ" ބޭފުޅާ އިންނެވީ ލެސޫކުގައި ކުޅި ބަލަންށެވެ.

ސަފީރުކަމުގެ ދަހިވެތިކަމުގައި، ރައްޔިތުން ހަވާލުކުރި ޒިންމާ ބޮލާލާ ޖެހުމަށްފަހު ނުކުތުމުންވެސް މަގާމު ނުލިބުނީމާ، ދެން އެ ލިބެން އޮތީ ޗެނަލް13 އަށް އެއްޗެހި ގޮވައިގެން ކަމުގައި ވާތީ އެކަން މިއަދު ކުރައްވަނީ ދެއްތޯއެވެ.

މަލީހުއާ ޖަމީލު މުޒާހަރާތަކަށް ނުކުތީ ކުރި ސަފުގައި ފޮޓޯ ނަގަން ތިބެން ކަމަށް އަދުރޭ ވިދާޅުވިއިރު، އޭނާ ނުގޮތަކަށް ގައު ބުރި އެއް އުކީ ޕެނަލްއަށް އަރުވާފައި ތިބި ބައެއް ބޭފުޅުންނަށެވެ. އޭގެ ތެރެއިން އެއް ބޭފުޅަކީ ހަމަ ނިމާލެވެ.

ނިމާލެވެ. ކޮށި ދަނޑާ މަރިޔަނބު ބީވެ ކަތިވަޅި އަތު ނުޖެހުނީމާ ޗެނަލް13 ގުރުބާނީއަކަށް ހެދީ ދެއްތޯއެވެ. ނިމާލެވެ. ތިޔައީ 24 އަވަރސް މޭންއެއް ނޫނެވެ. ތިޔައީ 24 އަވަރސް ދޮގު ޖާޑިއެކެވެ.