މުލިޔާގޭގެ މިނިސްޓަރު ފެންވަރުގައި އައްޔަން ކުރެއްވި ފާތިމަތު ޝަމްނާޒު އަލީ ސަލީމް، އެންވަޔަރަމެންޓު މިނިސްޓްރީ އަށް ބަދަލުކޮށްފިއެވެ.

މީގެ ހަފްތާއެއް ކުރިން ސޯޝަލް މީޑީޔާގައި ވަނީ ޝަމްނާޒް ސިއްރު މައުލޫމާތު ތަކެއް ބޭރުކުރި ކަމަށް އަޑު އަރާފައެވެ.

ޝަމްނާޒު އަކީ ރައީސް ޑރ. މުހައްމަދު މުއިއްޒުގެ އެންމެ އަރިސް މިނިސްޓަރު އާދަމް ރަމީޒުގެ އަނބިކަނބަލުން ކަން ފާހަގަކޮށްލެވެއެވެ.

ޝަމްނާޒް އެންވަޔަރަމެންޓު މިނިސްޓްރީ އަށް ބަދަލުކުރިކަން ރައީސް އޮފީހުން އަދި ހާމަކޮށްފައިނުވެއެވެ.

އަދި ރައީސް އޮފީހުގެ ވެބްސައިޓުގައިވާ ވެސް ޝަމްނާޒުގެ މަގާމަށް އައި ބަދަލު ބަދަލުކޮށްފައި ނެތެވެ.

ރައީސް އޮފީހުގެ އިސް އޮފިޝަލަކު ވަނީ ޗެނަލް 13 އަށް މިކަން ކަށަވަރުކޮށްދީފައެވެ.

ޝަމްނާޒު އެންވަޔަރަމެންޓު މިނިސްޓްރީގެ ސްޓޭޓު މިނިސްޓަރަކަށް ބަދަލު ކުރެއްވީ، އޭނާ އެކަމަށް އެދިވަޑައިގަތުމުން ކަމަށް ވެސް އެ އޮފިޝަލް މައުލޫމާތުދީފައިވެއެވެ.