ޖުޑީޝަލް ސަރވިސަސް އިން ދިވެހިރާއްޖޭގައި ހަރަކާތްތެރިވަމުން އަންނަ ސިޔާސީ ފަރާތްތައް ކަސްތޮޅު އެޅުވުން ނިމުމަކަށް އަންނަން ޖެހޭ ކަމަށް ޕީ.އެން.އެފްގެ ސެކެރެޓަރީ ޖެނެރަލް މުޙައްމަދު މަލީހް ޖަމާލް ވިދާޅުވެއްޖެއެވެ.

މަލީޙް މިފަދައިން ވިދާޅުވެފައިވަނީ ރައީސް ޢަބްދުﷲ ޔާމީން ޢަބްދުލްޤައްޔޫމްގެ ޝަރީޢަތް ލަސްވާ މައްސަލަ ޖޭ.އެސް.ސީއަށް ހުށަހަޅާނެ ކަމަށް ރައްޔިތުންގެ މަޖިލިސް ރައީސް މުޙައްމަދު އަސްލަމް ވިދާޅުވުމާއި ގުޅިގެން އެކްސްގައި ކުރެއްވި ޕޯސްޓެއްގައެވެ.

މަލީހް ވިދާޅުވީ އެއީ ރައީސް ޔާމީންގެ ޝަރީޢަތް ގަސްތުގައި ލަސްކުރާކަމުގެ ހެއްކެއް ކަމަށެވެ. އަދި ކުރިއަށް އޮތް ރައްޔިތުންގެ މަޖިލިސް އިންތިޚާބުގައި ސަރުކާރުގެ ޕާޓީގެ ކެންޑިޑޭޓުން ނޫން ގޮތެއް ހޯދަން ޖެހޭ ކަމަށްވެސް މަލީހު ވިދާޅުވެފައިވެއެވެ..