އެންމެ ފުރަތަމަ ދުވަހުން ފެށިގެން ވެސް ރައީސް މުހައްމަދު މުއިއްޒާ އަދި އަބްދުއްރަހީމު ގެންދިޔައީ ރައީސް އަބްދުﷲ ޔާމީން ނިޒާމުން ގެއްލުވާލަން މަސައްކަތްކުރަމުން ކަމަށް އެމަނިކުފާނުގެ އިސް ގާނޫނީ ވަކީލު ޑރ. މުހައްމަދު ޖަމީލު އަހުމަދު ވިދާޅުވެއްޖެއެވެ.

ޕީއެންއެފް އުފައްދާ ޖަލްސާއަސް ފުލުހުން މެދުވެރިކޮށް ހުރަސް އެޅި ހާދިސާއާ ގުޅިގެން ޗެނަލް13އާ ވާހަކަ ދައްކަވަމުން ޑރ. ޖަމީލު ވިދާޅުވީ، އެރޭ ހާމަވެގެން ދިޔައީ އެތައް ދުވަހެއް ވަންދެން އަދުރޭމެން ވަންހަނާކޮށްގެން އުޅުނު ކަންތައްތަކެއް ކަމަށާ އެރޭގެ ހާދިސާއިން އެކަނިވެސް ރައީސް ޔާމީނާ މެދު އެމީހުންގެ ނިޔަތް ސާފުވާ ކަމަށް ޑރ. ޖަމީލު ވިދާޅުވިއެވެ.

ޑރ. ޖަމީލު ވިދާޅުވީ، އަދުރޭ މެން މިއޮތް ހުރިހާ ދުވަހު ފިއްތައިގެން ތިބި ތިބުން ފަޅާއިގެން ގޮސް ރައްޔިތުންނަށް ހަގީގަތް ހާމަވެއްޖެ ކަމަށެވެ.

އެގޮތުން ރައީސް ޔާމީނަށް ހެޔޮ އެދޭ ބަޔަކު ތިމަންނާމެން ނޫނީ ނެތޭ ބުނެ މެޑަލް ޖެހި މީހުންވަނީ ރައީސް ޔާމީން އިސްވެ ހުންނަވާ އުފައްދަން މަސައްކަުރި ޕީއެންއެފް އުފެއްދުމަށް ބާއްވާ ޖަލްސާއަށް ހުރަސް އަޅާފައިކަން ޑރ. ޖަމީލު ފާހަގަކުރެއްވިއެވެ.