ހއ އަތޮޅުން ފެށިގެން މ އަތޮޅަށް މިރޭ 19:30 އިން ފެށިގެން މާދަމާ 1:30 އާ ހަމައަށް ބޯކޮށް ވާރޭވެހި ގުގުރާނެ ކަމަށް ލަފާކޮށް، މޫސުމާ ބެހޭ އިދާރާއިން ހުދު އެލާޓް ނެރެފިއެވެ.
ފާއިތުވި މާރޗް މަހުގެ ދުވަސްތަކަކީ ރާއްޖެއަށް މިހާތަނަށް އެންމެ ހޫނުގަދަވި ދުވަސްވަރުކަމަށް މެޓް އޮފީހުން ހާމަކޮށްފައިވެއެވެ. ހޫނު ގަދަ ދުވަސްތަކަކަށްފަހު ވިއްސާރަ މޫސުން ކުރިމަތިވެފައިވާއިރު، މިދިޔަ ދެ ތިން ދުވަހު މާލެ އަށާއި ރާއްޖޭގެ އެކި ސަރަހައްދުތަކަށް މޫސުން ގޯސްވެ ޔެލޯ އެލާޓްވެސް ބައެއް ހިސާބުތަކަށް ނެރެފައިވެއެވެ.
މިގޮތުން މާލޭގެ މަގުތަކުގައި ފެންބޮޑުވެ، ހިނގާބިނގާވެ އުޅުމަށާއި ދަތުރުފަތުރު ކުރުމަށް ދަތި އުނދަގޫތަކާއި، އެކި ގެއްލުންތަކާއި ރައްޔިތުން ކުރިމަތިލައިފައިވެއެވެ.
ވިއްސާރަ ދުވަސްކޮޅަކީ އާއްމު ގޮތެއްގައި ކަނޑު މަތީގެ ނުރައްކާތެރި ހާދިސާތައް ގިނަ ދުވަސްވަރަކަށް ވުމާއިއެކު އެފަދަ ހާދިސާތަކަށް ސަމާލުވެ ރައްކާތެރި ފިޔަވަޅު ކުރިއާލައި އެޅުމަކީ މުހިއްމު ކަމެކެވެ.
