ކޮރަޕްޝަނާ އެކި އެކި ގޮތްގޮތުން ގެއްލިފައި ހުރި ފައިސާ އަނބުރާ ހޯދަން މި ސަރުކާރުން އުޅޭ މަންޒަރެއް ނުފެންނަ ކަމަށް ރައީސް އަބްދުﷲ ޔާމީން އަބްދުލްގައްޔޫމް ވިދާޅުވެއްޖެއެވެ.
ރައީސް ޔާމީން މިފަދައިން ވިދާޅުވެފައިވަނީ ފްރޮންޓް އޮފީހުގައި ކުރިޔަށް ދިޔަ ޖަލްސާއެއްގައި ކެންޑިޑޭޓަކާ ސުވާލު އަމާޒުކުރައްވަމުންނެވެ.
އެގޮތުން އެމަނިކުފާނު ވިދާޅުވީ ރައްޔިތުންގެ ހައްގުތަކެއް ގެއްލިގެެން އުޅޭއިރު ސަރުކާރުގެ އެއްވެސް ފަރުވާލެއް ނެތްކަމަށެވެ.
އެތައް މިލިއަން ރުފިޔާ، ކޮރަޕްޝަނާ އެކި އެކި ގޮތްގޮތުން ގެއްލިފައި ހުރި ފައިސާ، އެ ފައިސާ ނުލިބިގެން މި ސަރުކާރަކުން ނޫޅޭ، ރައްޔިތުންގެ ހައްގުތަކެއް ގެއްލިގެން، މިހާ ދަތި ދުވަސްވަރެއްގައި އެ ފައިސާއިން ރައްޔިތުންނަށް އެހީއެއް ހޯދާކަށް ނޫޅޭ
ރައީސް އަބްދުﷲ ޔާމީން އަބްދުލްގައްޔޫމް
ރައްޔިތުންގެ ވޯޓުން ހޮވިފައި ތިބޭ ވެރިން ރައްޔިތުންގެ އެއްވެސް ހައްގެއް ހޯދައިދިނުމަށް މަސައްކަތް ނުކޮށް އަމިއްލަ މަންފާއަށް ކަންކަން ކުރައްވަމުން ގެންދަވާތީ ރައީސް ޔާމީންްގެ ފާޑުކިޔުން ވަނީ އަމާޒުވެފައެވެ.
2023 ވަނަ އަހަރުގެ ރިޔާސީ އިންތިޚާބާ ދިމާކޮށް ވޯޓު ހޯދުމަށްޓަކައި އަދުގެ ސަރުކާރުގެ ވެރިން އައީ އެ ފައިސާތައް ދައުލަތައް އަނބުރާ ހޯދައިދެއްވާނެ ކަމަށް ވިދާޅުވަމުންނެވެ.
