ނިލަންދޫ ދާއިރާގެ ގޮނޑި އަށް ވާދަކުރައްވާ ރައީސް ޑރ.މުހައްމަދު މުއިއްޒުގެ ކޮއްކޯފުޅު ފާތިމަތު ސައުދާ އަށް ކެމްޕެއިން ކުރުމަށްޓަކައި ހަދާފައިވާ ވަޓްސްއެޕް ގްރޫޕް ތެރޭގައި ދެކެވުނު ވާހަކަތަކުގެ ސްކީރްންޝޮޓް ސޯޝަލް މީޑިޔާގައި ދައުރުވެފައި ވާއިރު އެއީ ފޭކު އެއްޗެއް ކަމަށް ވިދާޅުވެ، ހެލްތް މިނިސްޓާރ އަބްދުﷲ ހަލީލް އިތުރުފުޅުހައްދަވައިފިއެވެ.

އެގޮތުން އެ ސްކްރީންޝޮޓްތައް ސޯޝަލް މީޑިޔާގައި ދައުރުވުމާއި ގުޅިގެންނާ، އެ ގްރޫޕްގައި އިން ފަރާތެއް ވަނީ ޗެނަލް 13 އަށް މައުލޫމާތު ދެމުން އެެއީ އަސްލެއްކަމަށް ބުނެފައެވެ.

އެހެން ނަމަވެސް އެ ސްކްރީންޝޮޓް ތަކަކީ އޭގައި އެއްވެސް އަސްލެއް އެކުލެވޭ އެއްޗެއް ނޫންކަމަށް ވިދާޅުވެ ނިލަންދޫ އަށް ނިސްބަތްވާ ހެލްތް މިނިސްޓާރ ހަލީލް ވަނީ އެކްސްގައި ޕޯސްޓެއް ކުރައްވާފައެެވެ.

އެގޮތުން ހަލީލް ވިދާޅުވީ އެ ފޭކް ސްކްރީންޝޮޓް ތަކުގެ މައްޗައް ދޮގު ޚަބަރު ހެދީމާ ޗެނަލް 13 ގެ އަގު ވެއްޓިއްޖެކަމަށެވެ.

ނަމަވެސް ޗެނަލް 13 އިން މައުލޫމާތަކީ ސައްހަ މައުލޫމާތެއްތޯ ކަށަވަރުކޮށްފައި ޝާއިއު ކުރި ޚަބަރަކީ ދޮގެއް ކަމަށް މިނިސްޓާރ ހަލީލް ވިދާޅުވެ މިވަނީ އިތުރުފުޅު ހައްދަވާފައިއެވެ.

އެ ގްރޫޕުގައި ހެލްތު މިނިސްޓަރު ޑރ. އަބްދުﷲ ހަލީލު ވިދާޅުވެފައިވަނީ މީހަކަށް ވަޒީފާއެއް ދިނުމުން އޭނާގެ މުޅި އާއިލާ އެއްކޮށް ކެމްޕެއިނަށް ނިކުންނަންޖެހޭނެ ކަމަށެވެ.

އެހެންނަމަވެސް އެނޫން ބަޔަކުވެސް ތިބޭނެ ކަމަށާއި އެގުރޫޕުގައި މަޝްވަރާ ކުރާނީ އެފަދަ މީހުންނަށް އަޅާނެ ފިޔަވަޅުތަކާއި ގުޅޭގޮތުން ކަމަށް ހަލީލު ވިދާޅުވި އެވެ.

މީގެ އިތުރުން އިންތިހާބު ނިމުމުން މަގާމުތަކަށް ބަދަލު ގެންނާނެ ކަމަށާއި ސައުދާ އިންތިހާބު ނުވެއްޖެނަމަ ވަޒީފާތަކުގައި ތިބި މީހުންނާއި އެމީހުންގެ އާއިލާތަކަށް ގެއްލުން ދޭނެކަމަށްވެސް ގްރޫޕުގައި ހަލީލު ވަނީ ވިދާޅުވެފަ އެވެ.