20 ވަނަ ރައްޔިތުންގެ މަޖިލީހުގެ މެމްބަރުން ހުވާ ކުރުމުގެ ރަސްމިއްޔާތު މެއި މަހުގެ 28 ވާ އާދިއްތަ ދުވަހު ބޭއްވުމަށް ހަމަ ޖައްސައިފިއެވެ.

އީދު ބަންދަށް މެދު ކަނޑާލުމަށް ފަހު މިއަދު މަޖިލީހެ ރައީސް މުހައްމަދު އަސްލަމް ވިދާޅުވީ ރައްޔިތުންގެ އަލަށް އިންތިހާބު ކުރި 93 މެންބަރުން ތިއްބަވާ 20 ވަނަ ރައްޔިތުންގެ މަޖިލީހުގެ މެންބަރުން ޤާނޫނު އަސާސީގައިވާ ގޮތުގެމަތިން ރައްޔިތުންގެ މަޖިލީހުގެ މެންބަރުކަމުގެ ހުވާ ކުރުން 28 މެއިގައި ބާއްވާނެ ކަމަށާއި އެ ތައްޔާރީތައް ރައްޔިތުންގެ މަޖިލީހުގެ އިދާރާއިން ކުރަން ފަށާފައިވާ ކަމަށެވެ.

ރައްޔިތުންގެ މަޖިލީހުގެ މިހާރު އޮތް ދައުރު މެއި މަހުގެ 15 ވަނަ ދުވަހުގެ ނިޔަލަށް އޮންނާނެ އެވެ. މި ދައުރުގެ ފަހު ޖަލްސާ އޮންނާނީ މެއި 13 ވަނަ ދުވަހުއެވެ.

ވިހިވަނަ ރައްޔިތުންގެ މަޖިލީހުގެ އިންތިހާބުގެ ވަގުތީ އީސީއިން ވަނީ މިހާރު އިއުލާން ކޮށްފައެވެ.

ސަރުކާރު ހިންގާ ކޮންގްެރެސް ޕާޓީއަށް މަޖިލީހުގެ ސުޕަމެޖޯރިޓީ ލިބިފައިވެއެވެ. އެ ގޮތުން ކޮންގްރެސްއަށް 93 ގޮނޑީގެ ތެރެއިން 66 ގޮނޑި ލިބުނެވެ. ވާދަވެރި އިދިކޮޅު އެމްޑީޕީއަށް 12 ގޮނޑިއެވެ. މިނިވަން ގިނަ މެންބަރުންނާއި ގާސިމާއި ސިޔާމަކީ ވެސް ސަރުކާރަށް ތާއީދު ކުރާ މެންބަރުންނެވެ.