ކުޅުދުއްފުށި ސިޓީގެ ކަރަންޓުގެ ހާލަތު ރަނގަޅު ކުރުމަށްޓަކައި ފެނަކަ ކޯޕަރޭޝަން ލިމިޓެޑުން އެ ރަށަށް ދެ ޖަނަރޭޓަރު ފޯރުކޮށްދީފިއެވެ.

ފެނަކައިން ޖަނަރޭޓަރުތައް ގެންދިޔުމަށް މަސައްކަތް ފަށާފައިވަނީ މި މަހުގެ 21 ވަނަ ދުވަހުއެވެ.

ފެނަކައިން ބުނީ ކުޅުދުއްފުށީގެ ކަރަންޓުގެ ހާލަތު ރަނގަޅު ކުރުމަށް ފޮނުވާ 600 ކިލޯވޯޓުގެ ދެ ޖަނަރޭޓަރު އެ ރަށަށް ގެންގޮސް އިންސްޓޯލް ކުރުމުގެ މަސައްކަތް ފަށަން ތައްޔާރުވެފައިވާ ކަމަށެވެ.

މީގެއިތުރުން އެހެން ބައެއް ރަށްރަށުގެ ކަރަންޓުގެ ހާލަތު ރަނގަޅު ކުރުމަށްޓަކައި ގެނައި 600 ކިލޯވޯޓުގެ ޖަނަރޭޓަރުތައް ކަސްޓަމުން ކްލިޔަރކޮށް މިިދިޔަ ހަފުތާގައި ވަނީ އެ ރަށްތަކަށް ފޮނުވުމުގެ މަސައްކަތް ފަށައިފައެވެ.