4 ވޯޓުގެ ތަފާތު އޮތް ދުވާފަރު ދާއިރާގެ ވޯޓު ފޮށިތައް އަލުން ގުނައިދޭން އެދެފި އެވެ.
އިލެކްޝަންސް ކޮމިޝަން (އީސީ) އިން ބުނީ ދުވާފަރު ދާއިރާގެ ވޯޓު ފޮށިތައް އަލުން ގުނައިދޭން އެދުނީ ކުޑަތަފާތަކުން ބަލިވި އިބްރާހިމް އަބްދުއްރަހްމާން ކަމަށެވެ.
މި މައްސަލަ ބެލުމަށްފަހު ވޯޓު ފޮށިތައް އަލުން ގުނުމާމެދު މިއަދުގެ ކޮމިޝަނުން ގޮތެއް ނިންމާނެ ކަމަށް އީސީން ވަނީ ބުނެފައެވެ.
ދުވާފަރު ދާއިރާއަށް ހަތަރު ކެންޑިޑޭޓުން ވާދަކޮށްފައިވާއިރު، އެންމެ ގިނައިން ވޯޓު ހޯއްދެވީ 1،074 ވޯޓާއެކު ޕީއެންސީގެ ކެންޑިޑޭޓު މުހައްމަދު އަލީ އެވެ.
މުހައްމަދު އަލީގެ ފަހަތުން ދެވަނައަށް އެންމެ ގިނައިން ވޯޓު ހޯއްދެވި މިނިވަން ކެންޑިޑޭޓު އިބްރާހިމް އަބްދުލް ރަހްމާނެވެ.
އޭގެ އިތުރުން އެމްޑީޕީގެ ކެންޑިޑޭޓު އިސްމާއިލް އަހުމަދުއަށް 579 ވޯޓު ލިބިފައިވާއިރު، ޖުމްހޫރީ ޕާޓީގެ ކެންޑިޑޭޓު އަޒްލީން އަހުމަދުއަށް ލިބިފައި ވަނީ 77 ވޯޓެވެ.
