ރައްޔިތުންގެ މަޖިލީހުުގައި މިއަދު ބާއްވަން އުޅުނު ޖަލްސާއަށް ވަޑައިގެންނެވި މެމްބަރުންގެ އަދަދު ހަމަނުވުމުން ޖަލްސާ ކެންސަލްކޮށްފިއެވެ.
މަޖިލީހުގައި ޖަލްސާއެއް ބޭއްވޭ ވަރަށް ކޯރަމް ހަމަ ވަނީ 22 މެމްބަރުން ވަޑައިގެންނެވުުމުންނެވެ.
މިއަދުގެ ޖަލްސާ ހެނދުނު 9:00 ގައި ފަށަން ތާވަލުކުރި ނަމަވެސް އެވަގުތާ ހަމައަށް 22 މެމްބަރުން ވަޑައިނުގަންނަވާތީ ރިޔާސަތުން މަޖިލީހުގެ ރައީސް މުހައްމަދު އަސްލަމް އިއުލާނުކުރެއްވީ ކޯރަމް ހަމަވޭތޯ 9:30 ވަންދެން ބައްލަވާނެ ކަމަށެވެ.
ކޯރަމް ހަމަނުވާތީ ޖަލްސާ ނުބޭއްވޭނެކަން އިއުލާނު ކުރެއްވީ އޭގެ ފަހުންނެވެ.
މިއަދުގެ ޖަލްސާއަށް އެޖެންޑާކޮށްފައި ހުރި ކަންތައްތަކުގެ ތެރޭގައި ކޮންސްޓްރަކްޝަން މިނިސްޓަރު ޑރ. އަބްދުﷲ މުއްތަލިބާ ސުވާލުކުރުން ހިމެނެ އެވެ.
އޭނާއާ ސުވާލުކުރައްވަން ހުށަހަޅުއްވާފައި އޮތީ ކެނދިކުޅުދޫ ދާއިރާގެ އެމްޑީޕީ މެމްބަރު އަހުމަދު އީސަ އެވެ.
މަޖިލީހުގައި މިހާރު ތިއްބެވި މެމްބަރުންގެ ދައުރު ނިމޭނީ މެއި 15، ގަ އެވެ. މަޖިލީހުގެ އާ މެމްބަރުން ހުވާކުރުމުގެ ރަސްމިއްްޔާތު އޮންނާނީ މެއި 28، ގައެވެ.
