ހަލުވި ސްޕީޑެއްގައި ޗިކުންގުންޔާ ފެތުރެމުންދާތީ ސަމާލުވުމަށް ހެލްތް ޕްރޮޓެކްޝަން އޭޖެންސީން މިއަދު އިލްތިމާސްކޮށްފިއެވެ.
އެޗް.ޕީ.އޭ އިން ހާމަކޮށްފައިވާ ގޮތުގައި އޭޕްރީލް މަހު އެކަނިވެސް މި ބަލީގެ މާލެ ސަރަޙައްދުން ރިޕޯޓު ކޮށްފައިވާ ކަމަށެވެ.
ޗިކުންގުންޔާ އަކީ އީޑީސް އިޖިޕްޓައި މަދިރި ހެފުމުން ފެތުރޭ ވައިރަހެއް ކަމުގައިވާ އަލްފާވައިރަސް ގެ ސަބަބުން ޖެހޭ ވައިރަހު ހުމެކެވެ. އީޑީސް އިޖިޕްޓައި މަދިރިއަކީ ސާފު ފެނުގައި ބިސްއަޅައި އާލާވާ މަދިރިއެކެވެ. ޗިކުންގުންޔާ ހުން ޖެހެނީ ބަލީގެ ޖަރާސީމު ހުރި މަދިރިއެއް ހެފުމުގެ ސަބަބުންނެވެ
މަދިރި ފަސޭހައިން އުފެދޭ ގޮތަށް ހުންނަ ތަންތަން ނައްތާލުމަށާއި، މަދިރިން ރައްކާތެރިވުމަށް އަޅަންޖެހޭ ފިޔަވަޅުތައް ކުރިއާލާ އެޅުމަށްވެސް މި އިދާރާއިން އިލތިމާސްކުރެއެވެ.
މި ބަލީގެ ޢަލާމާތްތަކުގެ ތެރޭގައި ގަދައަށް ހުން އައުމާއި، ހުޅުތަކުގައި ރިއްސުމާއި، މޭނުބައިކޮށް ހޮޑުލާ ވަރުބަލިވުން ފަދަ އަލާމާތްތައް ހިމެނެއެވެ. މިފަދަ އަލާމާތެއް ފެނިއްޖެ ނަމަ ލަސްނުކޮށް ސިއްޙީ ފަރުވާ ހޯދުމަށްވެސް އެޗް.ޕީ.އޭ އިން ބުނެފައިވެއެވެ.
