28 މީހުންނާއި އެކު ހއ.ބާރަށުން 15:15 ހާއިރު ފުރައިގެން ދަތުރު ކުރަމުންދިޔަ "ޕޮލަރިސް ނެވިގޭޓާސް 2" ނަމަކަށް ކިޔާ ލޯންޗެއްގެ އިންޖީނު ހަލާކުވެގެން މޯލްޑިވްސް ޕޮލިސް ސަރވިސް އިން އެޓެންޑްވެފައިވާ ކަމަށް އެ އިދާރާއިން ހާމަކޮށްފިއެވެ.

ޕޮލިސް ފޭސްބުކް ޕޭޖްގައި މިއަދު ނެރެފައިވާ ޕޯސްޓްގައި ކާށިދޫ ކަނޑު ތެރެއިން މި ލޯންޗް ފެނިގެން ފުލުހުން ވަނީ މި ފަރާތްތައް ރައްކާތެރިކަމުގެ ހިސާބަކަށް ގެންދިއުމަށް މަސައްކަތްކޮށްފައެވެ.

މި ލޯންޗްގައި އަންހެނުންނާއި ކުޑަކުދިން އަދި އުމުރުން ދުވަސްވެފައިވާ ފަރާތްތައްވެސް ތިބި ކަމަށް ފުލުހުން ހާމަކޮށްފައިވެއެވެ. ނަމަވެސް ލޯންޗްގައި އެވަގުތު ތިބި ޖުމުލަ އަދަދު ފާހަގަކޮށްފައިނުވެއެވެ.