މޯލްޑިވްސް ޕޮލިސް ސަރވިސް އާއި އަލަށް ގުޅުނު ޕޮލިސް އޮފިސަރުން މިއަދު ހުވާ ކުރައްވައިފިއެވެ.

އިސްކަންދަރު ކޮށީގައި މިއަދު ބޭއްވި ރަސްމިއްޔާތުގައި އާ ފުލުހުންނަށް ހުވާ ލައިދެއްވީ ފަނޑިޔާރު މުޙައްމަދު ފައިސަލްއެވެ.

ފުލުހުންގެ މުއައްސަސާއާއި މިއަދު ގުޅިފައިވަނީ 99 ފުލުހުންނެވެ. އޭގެ ތެރޭގައި ހިމެނެނީ 27 އަންހެން ފުލުހުންނާއި 51 ފިރިހެން ފުލުހުންނެވެ. މީގެ އިތުރުން ސްޕެޝަލް ކޮންސްޓަބިއުލަރީ އަންހެން 10 ފުލުހުންނާއި 11 ފުލުހުންވެސް ވަނީ މިއަދު ހުވާކޮށްފައެވެ.

މި ރަސްމިއްޔާތުގައި ހެޑް އޮފް ޕީޕަލް ޑައިރެކްޓްރޭޓް، އެސިސްޓެންޓް ކޮމިޝަނާ އޮފް ޕޮލިސް އަހުމަދު އަބްދުއް ރަހްމާން، ހެޑް އޮފް ވޯކްފޯސް ޕްލޭނިން އެންޑް މެނޭޖްމަންޓް ސުޕްރިންޓެންޑެންޓް އޮފް ޕޮލިސް ސުލްތާން އަހުމަދު ބިޝާރު އަދި ހެޑް އޮފް ރެކްރޫޓުމަންޓް އެންޑް ޑިޕްލޯއިމަންޓް ޔުނިޓް، ޗީފް އިންސްޕެކްޓާ އޮފް ޕޮލިސް ހުސައިން ޝަރީފް ބައިވެރިވި އެވެ

މިއަދުގެ ހުވާ ކުރުމުގެ ރަސަމިއްޔާތަށްފަހު ހުރިހާ ފުލުހުން ވަނީ ހުވާގެ ލިޔުމުގައި ސޮއި ކޮށްފައެވެ.