ދިވެހިރާއްޖޭގައި ވޯޓުލުމުގެ ހައްގުލިބޭ ފަރާތްތަކުން ވޯޓުލާން ދާން ޝައުގުވެރިނުވާ ސަބަބު ދެނެގަތުމަށް އިލްމީ ދިރާސާއެއް ކުރަންޖެހޭ ކަމަށް އިލެކްޝަންސް ކޮމިޝަނުން ހާމަކޮށްފިއެވެ.

ދައުލަތުގެ މީޑިޔާގެ "ރާއްޖެ މިއަދު" ޕްރޮގްރާމްގައި ވާހަކަ ދައްކަވަމުން އީސީގެ މެމްބަރު ހަސަން ޒަކަރިއްޔާ ވިދާޅުވީ ވޯޓުލާން ޝައުގުވެރިނުވާ ސަބަބުތައް ދެނެގަތުމަށް ޢިލްމީ ދިރާސާއެއް ކުރަން ޖެހޭ ކަމަށާއި ސިޔާސީ ޕާޓީތަކުންވެސް ރައްޔިތުން ވޯޓުލުމަށް ޝައުގުވެރިކުރުވުމަށް ކުރެވޭނެ ކަންކަން ދެނެގަންނަން މަސައްކަތް ކުރަން ޖެހޭ ކަމަށެވެ.

20 ވަނަ ރައްޔިތުންގެ މަޖިލީހުގެ އިންތިޚާބުގައި ވޯޓުލި މީހުން މީގެ ކުރީގެ އިންތިހާބުތަކާ އަޅާ ބަލާއިރު މަދުކަމަށް ޒަކަރިއްޔާ ވަނީ ވާހަކައިގައި ފާހަގަކުރައްވާފައެވެ.

ވޯޓުލާން ނުދާން ބޭނުންވަނީ ޒުވާނުންކަން ފާހަގަކޮށްލެވެއެވެ. މިފަހަކަށް އަައިސް ރާއްޖޭގައި ބޭއްވުނު އިންތިޚާބްތަކުގައި ވޯޓުލުމުގެ ހައްގު ލިބޭ ފަރާތްތަކުން ވޯޓުލާން ނުދާކަން އީސީން ވަނީ ފާހަގަކޮށްފައެވެ.