މަސްވެރިންނަށް ނުލިބި ހުރި 27 މިލިއަން ރުފިޔާ މި މަސް ނިމޭ ހިސާބު މިފްކޯއިން ދޭނެ ކަމަށް ފިޝަރީޒް މިނިސްޓަރ އަޙްމަދު ޝިޔާމް ވިދާޅުވެއްޖެއެވެ.
މިނިސްޓަރ މިހެން ވިދާޅުވެފައިވަނީ ރައީސް އޮފީހާއި ޕީ.އެސް.އެމް އިން ގުޅިގެން ބާއްވާ އަހާ ފޯރަމްގެ ތިންވަނަ ބައްދަލުވުމުގައި ވާހަކަ ދައްކަވަމުންނެވެ.
މަސްވެރިންނަށް ޙައްޤުވާ ފައިސާ ނުލިބި އެކަމުގެ ޝަކުވާ އަކީ މިހާތަނަށް ޙައްލެއް ލިބިފައިނުވާ ޤައުމީ ބޮޑު މައްސަލައެކެވެ. މަސްވެރިންގެ ފައިސާ ނުލިބިގެން މި އަހަރު ކުރީކޮޅުވެސް ވަނީ ގއ.ކޫއްޑޫގައި މުޒާހަރާކޮށްފައެވެ. މި މުޒާހަރާގައި ހުވަދު އަތޮޅު މަސްވެރިންނާއި، ލ، ތ، ހދ ހިސާބުގެ މަސްވެރިންވެސް ބައިވރިވެފައިވެއެވެ.
މަސްވެރިން ބާނާ މަހަށް ހަމަ އަގު ހޯދައި ދިނުމަކީ މި ސަރުކާރުގެ ވަޢުދަކަށް ވާއިރު، ސަރުކާރަށް 05 މަސް ވެގެން ދިޔަ އިރު އާދޭސް ކޮށްގެން ޙައްގު އުޖޫރަ ކޮންމެ ފަހަރަކު ހޯދަން ޖެހުމަކީ ސަރުކާރުގެ ނާޤާބިލުކަން ހާމަވާ ކަމެކެވެ.
