ޓީވީ ޗެނަލްތަކާއި އާންމު ފަރުދުންނަށް ގެއްލުން ދޭނެ ކަމަށް ބުނެ އިންޒާރުދީ ބިރުދައްކަމުންދާ މައްސަލަ ފުލުހުންގެ ސަމާލުކަމަށް އައިސްފައިވާ ކަމަށާއި މި މައްސަލަތައް ފުލުހުން ތަހުގީގު ކުރަމުންދާ ކަމަށް އެ މުއައްސަސާއިން ހާމަކޮށްފިއެވެ.
ފުލުހުން ރޭ ނެރެފައިވާ ނޫސް ބަޔާނެއްގައި ވިދާޅުވެފައިވަނީ އާންމު ފަރުދުންނާއި ތަންތަނާއި ތަކެއްޗަށް، ޚާއްސަކޮށް މީހުންގެ ފުރާނައާއި މީޑިއާތަކަށް ގެއްލުން ދޭނެ ކަމަށް އިންޒާރުދޭ މައްސަލަތަކަކީ މި ޚިދުމަތުން ޚާއްސަ އިސްކަމެއް ދީގެން ސީރިއަސް މައްސަލަތަކެއްގެ ގޮތުގައި ބަލައި ތަހުގީގު ކުރަމުން ގެންދާނެ މައްސަލަތަކެއް ކަމުގައެވެ.
އެގޮތުން މި މައްސަލަތައް ތަހުގީގުކޮށް، ގާނޫނީ ފިޔަވަޅުތައް އެޅުމަށް ކުރަންޖެހޭ މަސައްކަތްތައް ސައިބަރ ކްރައިމް އަދި ސީރިއަސް އެންޑް އޯގަނައިޒް ކްރައިމް ޑިޕާޓްމަންޓް އިން ކުރަމުންދާ ކަމަށްވެސް މި ނޫސް ބަޔާނުގައި ބުނެފައިވެއެވެ.
