ކުށްތަކަށް އަރައިގަތުމަށް ހިތްވަރު ލިބޭ އަދި ފަސޭހައިން ކުށަތަކަށް އަރައިގަނެވޭ ގޮތަށް އޮޕަރޭޓްކުރަމުންދާ ޓެލެގްރާމް ޗެނަލްއެއް ފުލުހުން ހުއްޓުވައިފިއެވެ.

"އެމްވީ ކޯލް ގާލްސް" ގެ ނަމުގައި ހިންގަމުން އަންނަ މި ޗެނަލް ހުއްޓުވާ މައްސަލަ ބަލަން ފަށާފައިވާ ކަމަށް ފުލުހުން މަޢުލޫމާތުދެއެވެ.

މި އަހަރުގެ މާޗް މަހުގެ ތެރޭގައިވެސް ފުލުހުން ވަނީ ތަފާތު އެކި ކުށަތަކަށް އަރައިގަތުމަށް ހިންގަމުން ގޮސްފައިވާ ދިވެހި ޓެލެގްރާމް ޗެނަލްތަކެއް ހުއްޓުވާފައެވެ. ފުލުހުން ހާމަކޮށްފައިވާ ގޮތުން އެ ޗެނަލްތަކަކީ "ޖަޒީރާ ގާލްސް" އަދި "ޖަޒީރާ އެޑްމިން" ނަމަކަށް ކިޔާ ޗެނަލްތަކެއް ކަމަށެވެ.

މިފަދަ ޗެނަލްތައް މެދުވެރިކޮށް ހަށިވިއްކުމާއި މަސްތުވާތަކެތީގެ ވިޔަފާރި ކުރާކަމަށް ވަނީ ހޯދިފައެވެ. ފުލުހުންގެ ތަހުގީގުގައި ފަހުން ވަނީ އެ ޗެނަލް މެދުވެރިކޮށް ހަށިވިއްކުމުގެ ވިޔަފާރި ކުރުމަށް ކާރެއް ވެސް ގެންގުޅުނުކަން ހޯދިފައެވެ. އެ މައްސަލައިގައި ހައްޔަރުކުރި މީހުންނަށް ވަނީ މުއްދަތު ޖަހާފައެވެ.