އައްޑޫ ސިޓީ ފޭދޫގައި ހިންގަމުން ދިޔަ ސްޕާއަކުން ދިވެހި ދެ ފިރިހެނުންނާއި ބިދޭސީ އަންހެނުންތަކެއް ހައްޔަރުކޮށްފިއެވެ.

ފުލުހުން ރޭ ހިއްސާކޮށްފައިވާ މަޢުލޫމާތުގައި ބުނެފައިވަނީ މި ފަރާތްތައް ހައްޔަރުކޮށްފައިވަނީ ރޭ ކުރިއަށް ގެންދިޔަ ޚާއްސަ އޮޕަރޭޝަނެއްގައި ކަމަށެވެ.

މި އޮޕަރޭޝަންގައި ހައްޔަރުކޮށްފައިވަނީ ތައިލޭންޑަށް ނިސްބަތްވާ ތިން އަންހެނުންނެވެ.

ބައެއް ސްޕާތަކާއި ދިވެހި ބޭސް ކްލިނިކްތަކުގައި ހަށިވިއްކާކަމުގެ ތުހުމަތުގައި މީގެ ކުރިންވެސް މީހުން ހައްޔަރުކޮށްފައިވެއެވެ. މި ފަހުން އަނެއްކާ ވެސް ހަށިވިއްކުމުގެ މައްސަލަތައް ވަނީ އިތުރުވެފައެވެ.

ފުލުހުން އަންނަނީ އެ މައްސަލަ ތަހުގީގު ކުރަމުންނެވެ.