ހަ ރަށެއްގެ ކައުންސިލުން ހުސް ވެފައިވާ މަގާމުތަކަށް މެންބަރުން އިންތިޚާބު ކުރުމަށްޓަކައި ބާއްވާ ބައި އިލެކްޝަންގެ ވޯޓުލުން ފަށައިފިއެވެ.
ވޯޓްލުން ކުރިއަށް ދަނީ އެ ހަ ރަށާއި މާލޭގައި މިއަދު ހެނދުނު 8:00 އިން 16:00 އަށެވެ.
މިއަދު ކުރިއަށްދާ ބައި އިލެކްޝަންތައް:
މި ބައި އިލެކްޝަންތަކުގައި ވޯޓުލުމަށް ޖުމްލަ 11 ވޯޓު ފޮށި ބަހައްޓާފައިވެ އެވެ. މީގެތެރެއިން ތިން ފޮށި ހުރީ ދަރުބާރުގޭގައެވެ. އަނެއް ބާކީ 8 ފޮށީގެ ތެރެއިން ތިން ފޮށި ހުރީ ވެލިދޫ ގައެވެ. މަޑުއްވަރި، އުތީމު، ލަންދޫ، ތަކަންދޫ އަދި އިންނަމާދޫގައި ކޮންމެ ރަށެއްގައި ފޮށްޓެއް ބަހައްޓާފައިވެއެވެ.
މިއަދު ކުރިއަށްދާ ބައި އިލެކްޝަންތަކުގައި 5،267 މީހަކަށް ވޯޓުލުމުގެ ހައްގު ލިބިފައިވާ ކަމަށް އިލެކްޝަންސް ކޮމިޝަނުން މައުލޫމާތު ދީފައިވެ އެވެ.
