ވެލާނާ އިންޓަނޭޝަލަން އެއާޕޯޓް (ވީއައިއޭ)ގައި މާރާމާރީ ހިންގި ބިދޭސީއަކު ފުލުހުންގެ ބެލުމުގެ ދަށަށް ގެންގޮސްފިއެވެ.
މައުލޫމާތު ލިބިފައިވާ ގޮތުގައި އިންޓަރނޭޝަނަލް ޓާމިނަލަށް ފުރަން ގޮސް ހުރި ފަތުރުވެރިޔަކު އެއާލައިން މުވައްޒަފަކަށް ހަމަލާދީފައިވާއިރު މި މައްސަލަ ހިނގި ގޮތް އަދި ސާފުވާ ގޮތް އަދިވަނީ ނުވެފައެވެ. ނަމަވެސް ފުލުހުންނަށް މައްސަލަ ހުށަހަޅާފައިވެއެވެ.
މާރާމާރީގެ ވީޑިއޯ ސޯޝަލް މީޑިއާގައި އާންމުވެފައިވާއިރު ފުލުހުންގެ ބެލުމުގެ ދަށުގައި އިން ބިދޭސީ މީހާ ދެ މީހެއްގެ ގައިގައި ޖަހާ މަންޒަރު ވީޑިއޯ އިން ފެނެ އެވެ. އެ މީހާ ހުއްޓުވާ ދުރަށް ގެންދަނީވެސް އެތަނުގައި ތިބި ބައެކެވެ.
މާރާމާރީ ހިންގި މީހާ މިހާރު ފުލުހުންގެ ބެލުމުގެ ދަށަށް ގެންގޮސްފައިވާއިރު އެއީ އެމެރިކާގެ ރައްޔިތެއްކަމަށް ތޭރަ އޮންލައިނަށް ވަނީ މައުލޫމާތު ލިބިފައެވެ.
