މަސްދޯނިފަހަރަށް ދޫކުރާ ފައިސާގެ ތެރެއިން 09 އޭޕްރީލް 2024 ގެ ނިޔަލަށް ހުރި ބިލު ތަކުގެ ފައިސާ މިހާރު ދައްކާ ނިންމާފައިވާކަމަށް އެޕްރީލް 18 ވަނަ ދުވަހު މިފްކޯއިން ހާމަކޮށްފަވީ ނަމަވެސް ނިމދިޔަ މަހުގެ މަސްވެރިން ކިރުވި މަހުގެ ފައިސާ އަދިވެސް ނުލިބޭ ކަމަށް ބުނެ ސޯޝަލް މީޑިއާގައި މަސްވެރިން އަނެއްކާވެސް ނުރުހުން ފާޅުކުރަން ފަށައިފިއެވެ.
މިއަދު މަސްވެރިން ބޭނި ބަހުން ގއ.ކޫއްޑޫ ކޮމްޕްލެކްސް ފުރިފައިވާ ކަމަށާއި، މި މަހުގެ މިހާތަނަށް އެއްވެސް ފައިސާއެއް ލިބިފައި ނުވާ ކަމަށް މަސްވެރިންގެ ފަރާތުން @AliSajidMV އިން އެކްސްގައި ޕޯސްޓްކޮށްފައިވެއެވެ.
މަސްވެރިންނަށް ލިބެންޖެހޭ ފައިސާ އޭޕްރިލް މަސް ނިމުމުގެ ކުރިން ލިބޭނެ ކަމަށް ފިޝަރީޒް މިނިސްޓަރ ޝިޔާމް ވިދާޅުވެފައިވީނަމަވެސް ހިތާމައަކީ މަސްވެރިން ބާނާ ބަހުން ކައިބޮއެ ހަދަމުންދާއިރު، މި ފަރާތްތަކަށް ހައްގުވާ ފައިސާ ހޯދަން ސަރުކާރަށް އާދޭސް ކުރުމަކީ ރައީސް ޑރ މުއިއްޒު ލަދުގަންނަންޖެހޭ ވަރުގެ ކަމެކެވެ.
