ބައިނަލް އަޤްވާމީ ކުޑަކުދިންގެ ދުވަސް މިއަދު ދުނިޔޭގެ އެކި ހިސާބުތަކުގައި އާއި ދިވެހިރާއްޖޭގައި ދަނީ ފާހަގަކުރަމުންއެވެ.
ކުޑަކުދިންނަކީ މާދާމާގެ މުސްތަޤުބަލު ކަމުގައި ވީ ހިނދު، ޤައުމު ދެކެ ލޯބިވާ، ހަރުދަނާ ޖީލެއް ބިނާކުރުމަކީ ދިވެހި ހުރިހާ ރައްޔިތުންގެ ކޮނޑުގައި އެޅިފައިވާ މުހިންމު މަސްއޫލިއްޔަތެކެވެ.
ކޮންމެ އަހަރެއްގެވެސް މެއި 10 ކުޑަކުދިންގެ ދުވަހުގެ ގޮތުގައި ފާހަގަކުރެވެމުން ދާއިރު، ކުޑަކުދިންނަށް ބޭނުންވާ ހިމާޔަތާއި، އެކުދިންނަށް ދިރިއުޅުމުގައި ކުރިއަށް ދާނެ ފަހި ފުރުސަތުތަކެއް ހޯދައިދިނުމަށް ހަރުދަނާ ގާނޫނުތަކާއި އުސޫލުތަކެއް ކަނޑައެޅުމަކީ ސަރުކާރާއި ކަމާއި ބެހޭ އިދާރާތަކުން ކޮންމެހެން ކުރަން ޖެހޭ ކަމެކެވެ.
ކުޑަކުދިންނަށް އިހުމާލުވާ ފަރާތްތައް މި ކުޑަ މުޖުތަމަޢުގައި ދުވަހެއް ދުވަހަކަށް އިތުރުވަމުންދާއިރު، އެ ކުދިންނަށް ރައްކާތެރިކަން ކަށަވަރުކޮށްދީ ރިވެތި ގޮތުގައި ތަރުބިއްޔަތު ކޮށް ރަނގަޅު މަގު ދައްކައިދިނުމަކީ މައިންބަފައިންނާއި މުޖުތަމަޢުގެ ޒިންމާއެކެވެ.
ކުޑަކުދިންގެ ދުވަސް އެންމެ ފުރަތަމަ ފާހަގަކުރަން ފަށާފައިވަނީ 1979 އަހަރުގައެވެ. އެއިގެ ފަހުން ކޮންމެ އަހަރެއްގެ މެއި 10 ވަނަ ދުވަހަކީ ކުޑަކުދިންގެ ދުވަސް ކަމުގައި ކަނޑައެޅިފައިވެއެވެ.
ބައިނަލް އަޤްވާމީ ކުޑަކުދިންގެ ދުވަސް ފާހަގަކުރާއިރު، އިޒްރޭލުން ހިންގަމުންދާ ލާއިންސާނީ އަނިޔާވެރިކަމުގެ ސަބަބުން ހާލުގައި ޖެހިފައި ތިބި އެތައް ހާސް ފަލަސްތީނުގެ ކުޑަކުދިން އަޅުގަނޑުމެންގެ ދުޢާގައި ބައިވެރިކޮށް، އެ މައުސޫމް ކުދިންނަށް ފާގަތި ދުވަސްތަކެއް ދެއްކެވުން އެދި ދުޢާ ކުރަމެވެ.
