އަންގާރަ ދުވަހު އިސްރާއީލުން ޚާން ޔޫނިސް އަށް ދިން ހަމަލާތަކުގައި މަދުވެގެން ފަލަސްތީނުގެ 13 މީހަކު ޝަހީދުވެއްޖެކަމަށް އެސަރަހައްދުގައި ހަރަކާތްތެރިވަމުން އަންނަ ނޫސްވެރިން ހާމަކޮށްފިއެވެ.

މި މަރުތަކުގެ ސަބަބުން އަންގާރަ ދުވަހު އިސްރާއީލުން ޣައްޒާގެ ދެކުނުގެ އެ ސަރަހައްދަށް ދިން ހަމަލާތަކުގައި މަރުވި ފަލަސްތީނުގެ މީހުންގެ ޖުމްލަ އަދަދު ވަނީ 23 އަށް އަރާފައެވެ.

ޚާން ޔޫނިސްގެ އަލް ނަސްރު ހޮސްޕިޓަލާއި އަލް އަމާލް ހޮސްޕިޓަލުގެ ވަށައިގެންވާ ސަރަހައްދުތަކަކީ އިސްރާއީލުގެ ހަމަލާ އަމާޒުކޮށްފައިވާ ތަންތަނެވެ. އަދި އިސްރާއީލުގެ ސިފައިން ވަނީ ޚާން ޔޫނިސްގައި ހުރި ގެތަކާއި، މީހުން ދިރިއުޅޭ އިމާރާތްތައްވެސް ސުންނާފަތިކޮށްލާފައިއެވެ.

ހަނގުރާމައިގެ ކުރީކޮޅު އިސްރާއީލުން ވަނީ ޚާން ޔޫނިސް އަކީ ގެދޮރު ގެއްލިފައިވާ މީހުންނަށް "ރައްކާތެރި ސަރަހައްދެއްގެ" ގޮތުގައެވެ. ނަމަވެސް އިސްރާއިލި ސިފައިން ދަނީ ތަކުރާތުކޮށް އެ ސަރަހައްދަށް ހަމަލާތައް އަމާޒުކުރަމުންނެވެ.

އިސްރާއިލު ސިފައިން ވަނީ ޚާން ޔޫނިސްގައި ހުންނަ އަލް ނަސްރު ހޮސްޕިޓަލް ވަށާލާފައިއެވެ. އަދި އެ ސަރަހައްދުގައި ހަތިޔާރާއި ޓޭންކުތައް ހިފައިގެން ހަރަކާތްތެރިވަމުންނެވެ.

އޮކްޓޯބަރު މަހުގެ 7 ވަނަ ދުވަހުން އިސްރާއިލުން ފަލަސްތީނަށް ދެމުން އަންނަ ހަމަލާތަކުގައި ޝަހީދުވި މީހުންގެ އަދަދު 24،000 ވަނީ ވުރެން މައްޗަށްގޮސްފައިއެވެ.