މިދިޔަ އަހަރު ދައުލަތަށް ގެއްލުނު 50 މިލިއަނަށް ވުރެ ގިނަ ރުފިޔާ ހޯދަން އެދުމުން،މިދިޔަ އަހަރު ދައުލަތަށް އަނބުރާ ހޯދުނީ އޭގެ ތެރެއިން އެންމެ ދެ ލައްކަ ރުފިޔާ ކަމަށް އެންޓި ކޮރަޕްޝަން ކޮމިޝަން (އޭސީީސީ) އިން ހާމަކޮށްފިއެވެ.

އޭސީސީން ވަނީ އިއްޔެ އެ ކޮމިޝަނުގެ އަހަރީ ރިޕޯޓް އާންމުކޮށްފައެވެ.

ދައުލަތަށް ގެއްލުނު ފައިސާގެ ތެރެއިން 50،370،521 (ފަންސާސް މިލިއަން ތިން ލައްކަ ހަތްދިހަ ހާސް ފަސްސަތޭކަ އެކާވީސް) ހޯދުމަަށް ވަނީ އެދިފައެވެ.

ރުފިޔާ ހޯދަން އެދުނު ކަމަށްވެސް އޭގެ ތެރޭގައި ގިނައީ ދައުލަތުން ހިންގާ ކުންފުނިތަކުގައި އެދުނު ވަރެވެ.

އޭސީސީގެ އަހަރީ ރިޕޯޓް ދައްކާ ގޮތުން ކުންފުނިތަކުން އެ ކޮމިޝަނަށް ހޯދުނީ 181،352 (އެއް ލައްކަ އަށްޑިހަ އެއް ހާސް ތިން ސަތޭކަ ފަންސާސް ދެ ރުފިޔާ) އެވެ.

މިދިޔަ ފަސް އަހަރުގެ ތެރޭގައި، އޭސީސީން މުއައްސަސާތަކުގައި ޖުމުލަ 263 މިލިއަން ރުފިޔާ ހޯދުމަށް އެދިފައިވެ އެވެ. އޭގެ ތެރެއިން 160 މިލިއަނަކީ 2019 ވަނަ އަހަރު އޭސީސީން އެދިފައިވާ ވަރެވެ.