ދިވެހިރާއްޖޭގެ ފޮރިން މިނިސްޓަރ މޫސާ ޒަމީރު އިންޑިއާ ކުރެއްވި ރަސްމީ ދަތުރުފުޅުގައި، ރާއްޖެއިން އިންޑިއާ އަށް ދައްކަން ޖެހިފައި ހުރި 150 މިލިއަން ޑޮލަރު އަނބުރާ ދައްކަން ޖެހޭ މުއްދަތު އިތުރުކުރުމަށް އެދުމުން، އިންޑިއާ ސަރުކާރުގެ މަލާމަލާތް ރައްދުވެއްޖެއެވެ.

އިންޑިއާގެ ސަރުކާރުގެ އިސްވެރިންނާ އަދި އާންމު ރައްޔިތުންވެސް ގެންދަނީ މީސް މީޑިޔާގައި ދިވެހި ސަރުކާރުގެ ވެރިންނަށް ނިސްބަތްކޮށް މަލާމާތާ ފުރައްސާރަ ރައްދު ކުރަމުންނެވެ.

އެގޮތުން އިންޑިއާ އައުޓު ގޮވި ވެރިއަކު ވެރިކަމަށް އައުމަށް ފަހު އިންޑިއާގެ ދަރަނިތައް ނުދެއްކިގެން ސަލާމުގެ ނާށިގަނޑު ހިފައިގެން އިންޑިއާ ކައިރިއަށް ދިޔަ ކަމާ އިންޑިއާއާ ދެކޮޅަށް ގަދަ ބަސްބުނުމަށް ފަހު މިހާރު ޖެހެނީ އިންޑިއާ ފައިބުޑަށް ވެއްޓެން ކަމަށް ބުނެވެސް ޕޯސްޓުތައް ކޮށްފައިވެއެވެ.

ރައީސުލްޖުމްހޫރިއްޔާ ޑރ މުހައްމަދު މުއިއްޒުގެ ރިޔާސީ ކެމްޕޭނުގައި އެންމެ ގަދައަށް ދެކެވެމުން ދިޔަ ވާހަކައަކީ ދިވެހިރާއްޖޭގައި ގާއިމުވެފައި ތިބި އިންޑިއާ ސިފައިން ބޭރު ކުރާނެ ވާހަކައެވެ. IndiaOut# ކެމްޕޭނުގެ ދަށުން އޭރު ރައީސް އެންމެ ގިނައިން ވާހަކަދައްކަވަމުން ގެންދިޔައީ ކުރީ ސަރުކާރު އިންޑިއާއަށް އަޅުވެތިވެފައިވާ މިންވަރުގެ ވާހަކައެވެ.

ވެރިކަމާއި ހަވާލުވެގެން އެންމެ ފުރަތަމަ ކުރައްވާނެ ކަންތަކުގެ ތެރޭގައި މިކަން ހިމެނިގެން ދިޔަ އިރު، އިންޑިއާ ސިފައިން ބޭލި ކަމަށް ހާމަކޮށްފައިވަނީ މެއި 10 ވަނަ ދުވަހުގައެވެ. ނަމަވެސް މިކަމުގެ ޙަގީގަތް ބަލާލާއިރު އަދިވެސް އިންޑިއާ ސިފައިން އަސްކަރީ އުޅަނދު އޮޕަރޭޓް ކުރުމުގެ ނަމުގައި އެބަ ތިއްބެވެ.

އިންޑިއާގެ ލޯނުތައް އަދާކޮށް އަޅުވެތިކަމުގެ ހުރިހާ ދޮރެއް ބަންދުކުރާނެ ކަމުގެ ވަޢުދުވި ސަރުކާރުން އިންޑިއާ އަށް މިހާރު ސަނާ ކިޔަމުން ދުވާތީ މުޅި ދުނިޔެވެސް ރާއްޖެއަށް މަލާމާތްކުރާނެ ކަމީ އެއްވެސް ޝައްކެތް އޮތް ކަމެއްނޫނެވެ.

ރާއްޖެއާއި ދެކޮޅަށް އިންޑިއާގެ މަޝްހޫރު ފަރާތްތަކުން ވަނީ އިންޑިއާއަށް ޒިޔާރަތް ނުކުރުމަށް ގޮވާލާ ބޮޑު ކެމްޕޭނެއްވެސް ފަށާފައެވެ.