ބަނޑޭރިކޮށީގެ އެޕާޓްމަންޓް ތެރޭގައި މަރުވެފައި އޮއްވާ ފެނުނު ފަރާތަކީ 25 އަހަރުގެ ޖަލު ހުކުމަކުން މިދިޔަ އަހަރު ދޫކޮށްލި ފަރާތްތަކުގެ ތެރޭގައި ދޫވެފައިވާ ފަރާތެއް ކަމަށް މަޢުލޫމާތު ލިބިއްޖެއެވެ.
މަރުވެފައި އޮއްވާ ފެނިފައިވަނީ ގދ ހޯޑެއްދޫ ހައްމާދު ސައީދެވެ. މީނާ އަކީ މަސްތުވާތަކެތީގެ މައްސަލައެއްގައި ޖަލު ހުކުމެއް ތަންފީޛު ކުރަމުން ގޮސް، ދޫވެފައިވާ ފަރާތެކެވެ.
ފުލުހުންގެ ތަހުގީގީ ބޭނުމަށް މީނާގެ ޕޯސްޓް މޯޓަމް ހެދުމަށް ނިންމާފައިވާ ކަމަށް ފުލުހުން ވަނީ ރޭގައި ހާމަކޮށްފައެވެ.
ނިޔާވެފައި އޮތްވާ މި މީހާ ފެނިފައިވަނީ ފުލުހުންނަށް ލިބުނު ރިޕޯޓަކާއި ގުޅިގެން އެ ގޭތެރެ ބެލި ބެލުމުން ކަމަށް ފުލުހުން ބުނެފައިވެއެވެ.
