ބަނޑޭރިކޮށީގެ އެޕާޓްމަންޓެއްގައި މަރުވެފައި އޮއްވާ ފެނުނު މީހާގެ ހަށިގަނޑުގެ ޕޯސްޓްމޯޓަމް ހެދުމަށް ފޮނުވުމަށް ކުރަންޖެހޭ މަސައްކަތްތައް ކުރަމުންދާ ކަމަށް ފުލުހުން ބުނެފިއެވެ.
ބަނޑޭރިކޮށީގައި މީހުން ދިރިނޫޅޭ މި އެޕާޓުމެންޓެއްގެ ތެރެއިން މީހަކު މަރުވެފައި އޮއްވާ ފެނުނީ މިމަހުގެ 13 ވަނަ ދުވަހުއެވެ.
ފުލުހުންނަށް ލިބުނު މައުލޫމާތަކާއި ގުޅިގެން ބަލައި ފާސްކުރި އިރު އެގެއިން އުމުރުން 30 އަހަރުގެ ފިރިހެނަކު ނިޔާވެފައި އޮއްވާ ވަނީ ފެނިފައެވެ. އެމީހާ ނިޔާވި ސަބަބު ދެނެގަތުމަށް ފުލުހުން ވަނީ އޭނާގެ ޕޯސްޓު މޯޓަމް ހެދުމަށް ނިންމާފައެވެ.
މަރުވެފައި އޮއްވާ ފެނުނީ ގދ. ހޯޑެއްދޫ، ހައްމާދު ސައީދު (30 އ) ކަމަށް އެނގިފައިވެ އެވެ.
އޭނާއަކީ މަސްތުވާތަކެތީގެ މައްސަލައެއްގައި އުމުރަށް ޖަލަށްލުމަށް ހުކުމްކޮށްފައި ވަނިކޮށް ދޫކޮށްލާފައިވާ މީހެއް ކަމަށް އެނގިފައިވެ އެވެ. އޭނާ މިނިވަންކުރީ ކުރީގެ ރައީސް އިބްރާހީމް މުހައްމަދު ސޯލިހުގެ ސަރުކާރުގައި މިދިޔަ އަހަރު އެވެ.
