އިންޑިއާ ސިފައިން ބާލަން ރައީސް ޑރ. މުހައްމަދު މުއިއްޒު ވީ ވައުދު ފުދުނު ކަމަށް ސަރުކާރުން ބުނި ނަމަވެސް އަދި އެ ވައުދު ނުފުއްދޭ ކަމަށް ރާއްޖޭގެ ކުރީގެ ދާޚީލީ ވަޒީރު އުމަރު ނަސީރު ވިދާޅުވެއްޖެެއެވެ.
ޗެނަލް13ގެ ނިއުސް ޓޯކު ޕްރޮގްރާމުގައި ވާހަކަ ދައްކަވަމުން އުމަރު ވިދާޅުވީ، ސަރުކާރުގެ ވައުދަކީ އިންޑިއާ އަސްކަރިއްޔާ މި ގައުމުން ބޭލުން ކަމަށާ އެގޮތުން އިންޑިއާ މިލިޓަރީ އައުޓު ކުރަން ވީ ވައުދެއް ކަމަށާ އެހެންކަމުން އިންޑިއާ ސިފައިން ބާލާފައި ފޮނުވި ކަމަށް ބުނުމަކުން ވައުދު ނުފުއްދޭ ކަމަށާ ނަމަވެސް ވައުދު ފުއްދުނު ކަމަށް ބެލޭނީ އިންޑިއާ އަސްކަރިއްޔާ އުޅަނދުތަކާ އެކު ސިފައިން ވެސް ފޮނުވާލުން ކަމަށް ވެސް އުމަރު ވިދާޅުވިއެވެ.
ވައުދުވީ އިންޑިއާ ސިފައިން ބާލަން ނޫން. ވައުދުވީ އިންޑިއާ އަސްކަރިއްޔާ މި ގައުމުން ބޭރުކުރުން. އަސްކަރިއްޔާ ބޭރު ކުރުމަކީ "އިންޑިއާ މިލިޓަރީ އައުޓު" ކުރުން، އިންޑިއާ ސޯލިޖާސް އައުޓު ކުރުމެއް ނޫން. އެހެންކަމުން އިންޑިއާ މިލިޓަރީ އައުޓު ކުރެވުނުކަމަށްވާނީ އަސްކަރިއްޔާގެ މުދަލާ އުޅަނދާ ހުރިހާ އެއްޗެއްވެސް މި ގައުމުން ބޭރުން ކުރުން.
އުމަރު
އުމަރު އިތުރަށް ވިދާޅުވީ، އިންޑިއާ މިލިޓަރީ ބޭރުކުރަން ރިޔާސީ އިންތިހާބުގެ ތެރޭގައި ދެއްކި ހުރިހާ ވާހަކަތަކެއް ވަރަށް ބޮޑަށް "ބެކް ޑްރެގް" ކުރާ ތަން ކަމަށާ ދެއްކި ވާހަކަފުޅުތައް ވަރަށް ބޮޑަށް ބަދަލުކުރަމުން ގެންދާ މަންޒަރު ކަމަށް އުމަރު ވިދާޅުވިއެވެ.
އުމަރު މިފަދައިން ވިދާޅުވެފައިވާއިރު، ސަރުކާރުން ވަނީ އިންޑިއާގެ އަސްކަރީ އުޅނަދުތައް ދުއްވާ ބަލަހައްޓަން ތިބި އެގައުމުގެ ސިފައިން އަނބުރާ ފޮނުވާލާ އެ އަދަދަށް "މަދަނީ" މީހުން އެ މަސައްކަތްކުރުމަށް ގެެނެސްފައެވެ.
