މާލެއަށް ކުރަމުންދާ ވިއްސާރަ އާއި ގުޅިގެން ވައިގަދަވެ ހުޅުމާލޭގެ ބައެއް ސަރަހައްދުތަކުގައި ހުރި ގަސްތައް ވެއްޓި އަދި އިމާރާތް ކުރަމުންދާ ބައެއް ތަންތަނުގައި ޖަހާފައވާ ފެންސްތައް ވަޔާ ވެއްޓެމުން ދާތީ ރައްކާތެރިވެގެން ތިބުމަށް ފުލުހުން އިލްތިމާސްކޮށޤފިއެވެ.

ފުލުހުން ފޭސްބުކްގައި ނެރެފައިވާ ޕޯސްޓެއްގައި ބުނެފައިވަނީ މީހުން ދިރިއުޅެމުންދާ ގެ ތަކުގައިވެސް ވަޔާ އެއްޗެހި ނުދާނެހެން ރަނގަޅަށް ހަރުކޮށްފައި ބެހެއްޓުމަށާއި ދޮރުތައް ރަނގަޅަށް ލައްޕާފައި ބެހެއްޓުމަށެވެ.

މީގެ އިތުރުން ކަނޑުދަތުރު ކުރާ ފަރާތްތަކާއި، ބްރިޖް ހުރަސްކުރާއިރު ރައްކާތެރި ފިޔަވަޅު އެޅުމަށްވެސް ފުލުހުން އިލްތިމާސްކޮށްފައިވެއެވެ.

މޫސުން ގޯސްވާން ކަމަށް ލަފާކޮށް ރާއްޖޭގެ ބޮޑު ހިސާބަކަށް ރީނދޫ އެލާޓްވެސް ވަނީ ނެރެފައެވެ.