ފާއިތުވި 24 ގަޑިއިރުގެ ތެރޭގައި އެންމެ ގިނައިން ވާރޭ ވެހުނީ ހުޅުލެއަށް ކަމަށް ތަފާސް ހިސާބުތަކުން ދައްކައިފިއެވެ.

ވޭތުވެދިޔަ 24 ގަޑިއިރު ތެރޭގައި ޜާއްޖޭގެ ބޮޑު ސަރަހައްދަކަށް ވިއްސާރަވެފައިވާއިރު, އެންމެ ގިނައިން ވާރޭ ވެހުނު ކަމަށް ރެކޯޑް ކުރެވިފައިވަނީ ހުޅުލެ އަށެވެ. މިގޮތުން ހުޅުލެއަށް 63.7 މިލިމީޓަރުގެ ވާރޭވެހިފައިވާ ކަމަށް އެ އިދާރާގެ ތަފާސްހިސާބުތަކުން ދައްކައެވެ.

ދެން އެންމެ ގިނައިން ވާރޭވެހުނު މާމިގިއްޔަށް 50.8 މިލިލީޓަރުގެ ވާރޭ ވެހުނު ކަމަށް ވަނީ ރެކޯޑް ކުރެވިފައެވެ. ތިންވަނައަށް އެންމެ ގިނައިން ވާރޭ ވެހުނީ ލ. މާވަށަށް ކަމަށް އެއިދާރާއިން ބުނެއެވެ. މިގޮތުން އެރަށަށް 40.6 މިލިމީޓަރުގެ ވާރޭވެހިފައިވެއެވެ.

ތަފާސް ހިސާބުތަކަށް ބަލާއިރު، އުތުރުގެ ރަށްތަކަށްވުރެ ބޮޑަށް މެދު ރާއްޖެތެރެއާއި ދެކުނުގެ ރަށްތަކަށް ވާރޭވެހިފައިވާ ނިސްބަތް ވަނީ އިތުރުވެފައެވެ. އަދި ކުރިއަށް އޮތް ދުވަސްތަކުގައިވެސް ރާއްޖެއަށް ވާރޭވެހި މޫސުން ގޯސްވާނެ ކަމަށް މޫސުމާބެހޭ ގައުމީ އިދާރާއިން ވަނީ ލަފާކޮށްފައެވެ.

ރާއްޖެއަަށް މިހާރު ކުރަމުންދާ ހުޅަނގު މޫސުމުގެ ވިއްސާރައިގައި ފެންބޮޑުވެ ގެއްލުންތައް ދަނީ ލިބެމުންނެވެ.