މާލޭގެ ރެސްޓޯރެންޓެއްގައި ގޭސްފުޅިއެއް ގޮވާ، ކައްކާއަށް ބޮޑެތި އަނިޔާތަކެއް ވެއްޖެއެވެ.
އެގޮތުން ގޭސްފުޅި އެއް ގޮވާފައިވަނީ ހެންވޭރު ކިނބިގަސް މަގުގައި ހުންނަ ނޮޓޯރިއަސް ގޮމެޓް ބައިޓްސް (އެންޖީބީ) ފާސްޓް ފުޑް އައުޓުލެޓުގައެވެ.
މިކަމާ ގުޅިގެން މޯލްޑީވްސް ޑީފެންސް ފޯރސް (އެމްއެންޑީއެފް)އިން ހާމަކޮށްފައިވާ ގޮތުގައި އެންޖީބީ ރެސްޓޯރެންޓުގައި ގޭސް ފުޅިއެއް ގޮވާ ހާދިސާއެއް ހިނގާފައިކަމުގެ މައުލޫމާތު ލިބި ފަޔަރ އެންޑް ރެސްކިއުއިން ހަރަކާތްތެރިވެފައިވާ ކަމަށެވެ. އަދި އެ ހާދިސާގައި ރެސްޓޯރެންޓުގެ ކައްކާގެ ގޮތުގައި މަސައްކަތްކުރާ ސްރީލަންކާގެ ރައްޔިތަކަށް ވަރަށް ބޮޑަށްއަނިޔާވެގެން ހޮސްޕިޓަލަށް ގެންގޮސްފައިވާ ކަމަށް ވެސް މައުލޫމާތު ދީފައިވެއެވެ.
މީގެ އިތުރުން މަގުމަތީގައި ތިބި ދެ މީހަކަށް ވެސް މި ހާދިސާގައި އަނިޔާލިބިފައިވާ ކަމަށް އެމްއެންޑީއެފުން ވަނީ ހާމަކޮށްފައެވެ
އަލިފާނުގެ ހާދިސާތައް ހިނގުމަކީ މިހާރު އާންމުކަމަކަށްވެފައިވާއިރު ގިނަ ފަހަރު އެފަދަ ހާދިސާތައް ހިނގާފައި ހުންނަނީ ފަރުވާ ކުޑަވުމުގެ ނަތީޖާއެއްގެ ގޮތުން ކަމަށް މީގެ ކުރިން ސަލާމަތީ ފަރާތްތަކުން ހާމަކޮށްފައި ހުރި މައުލޫމާތުތަކުން ހުރެއެވެ.
