މި ސަރުކާރުގެ އެންމެ ނާގާބިލު މިނިސްޓަރަކީ މިފަހަކަށް އައިސް ހުރިހާ ފަރާތްތަކެއް ކުރިމަތީގައި ވެސް އެބޭފުޅެއްގެ ނާގާބިލު މިންވަރު ހާމަވެފައިވާ ފަރާތެވެ. އާދެ، ޓުއަރިޒަމް މިނިސްޓާރ އިބްރާހިމް ފައިސަލް އަކީ މި ސަރުކާރުގެ އެންމެ ނާގާބިލު، އިލްމެއް ހިލްމެއް ވެސް ނެތް ވަޒީރެވެ. ވިކިޕީޑިއާގައި ދިވެހިރާއްޖޭގެ ފަތުރުވެރިކަމާ ބެހޭ ވަޒީރު ސާޗް ކޮށްލީމާއި ފެންނަން އޮންނަނީ ބޮޑު އަކުރުން ލިޔެފައިވާ އެންމެ ފޮޅުވަތެކެވެ. "ލ.ފޮނަދޫ ދާއިރާ ރައްޔިތުން މަޖިލީހުގައި ތަމްސީލް ކުރެއްވި އަބްދުއްރަހީމް އަބްދުﷲ ގެ ދަރިކަލުން" ކަމެވެ.

އެޔަށްފަހު ބައްޕާފުޅު އަދުރޭ އޭރުގެ ވެރިންގެ ކައިރިން ސަލާން ޖަހައިގެން ސިޔާސީ ގޮތުން ފައިސަލް އަށް ހޯދާދީފައިވާ މަގާމްތަކެވެ. މާބައިވަރު މަގާމްތަކެއް ވެސް ނޫނެވެ. އެހެން ވަޒީރުންގެ ނަން ވިކިޕީޑިޔާގައި ޖަހާލުމުން ކިޔާލަން ވަރަށް ބައިވަރު މައުލޫމާތު ލިބިގެންދެއެވެ. އެގޮތުން އެ ބޭފުޅުން ތައުލީމް ހާސިލްކޮށްފައިވާ މިންވަރާއި، ތައުލީމް ހާސިލްކޮށްފައިވާ ތަންތަނާއި އަދާކޮށްފައިވާ މަގާމްތަކެވެ. މިހެން ގޮސް ބައިވަރެވެ. ސުވާލަކީ ފައިސަލް މިއީ ދެން ކާކުހެއްޔެވެ؟

މިއަދު އެ ހުންނެވި މަގާމަކީ ވެސް އަދުގެ ރައީސް ޑރ މުހައްމަދު މުއިއްޒުގެ އަރިހުގައި ސަލާން ޖަހައިގެން އަދުރޭ ފައިސަލަށް ހޯދައިދީފައިވާ މަގާމުކަމީ އޭގައި އެއްވެސް ޝައްކެއް ވަސްވާހެއްވެސް އޮތްކަމެއް ނޫނެވެ. ބައްޕާފުޅަށް ވެސް ނުވިސްނުނުކަމެވެ. ފައިސަލަށް ޓުއަރިޒަމް މިނިސްޓަރުކަން ހަވާލު ކުރި ދުވަހުން ފެށިގެން މިއަދާ ހަމަޔަށް ވެސް އަޑުއިވިގެންދަނީ "ފައިސަލް ރާއްޖެ ލަދެއްގައި ބައްދާ" ވާހަކައެވެ.

އެތައް ދިވެހީންނެއް ލަދުން އެވާހަކަ ދައްކަމުން ދާއިރު މިއަދު ފައިސަލަށް ވެސް މިވަނީ އެކަން ގަބޫލުކުރެވިފައެވެ. މައްސަލަ އަކީ މަގާމާ ހަވާލުވި އިރުވެސް ތިމާ މީހާގެ އެ ފެންވަރު ނެތްކަން ގަބޫލު ނުކުރުމެވެ. ބަޔަކު މަލާމަތް ކޮށްގެން ހެޔޮނުވާނޭ ރާއްޖޭން ބޭރުގައި ރާއްޖެ ތަމްސީލް ކުރާއިރު އިނގިރޭސިން ވާހަކަ ނުދައްކާށޭ ގޮވީމާހޭ ފައިސަލް ހަމަ ހެޔަށް އައީ؟ މީގެ ކުރިން ފައިސަލަށް ހަމަ ރޭކާވެސް ނުލަނީހެއްޔެވެ؟ އެ މަގާމަށް ފައިސަލް އައްޔަންކުރެއްވި ރައީސް މުއިއްޒަށް ވެސް ފައިސަލްގެ ފެންވަރު އެނގިވަޑައިނުގަތް ހެއްޔެވެ؟

މަލާމަތާއި ފުރައްސާރަ ރައްދުވުމާއެކު ޓީވީ ޗެނަލެއްގެ ޕްރޮގްރާމަކަށް އަރާވަޑައިގެން މީހުން ތިމަންނާ އަށް ކިޔާ ފާޑުކިޔުންތައް ރަނގަޅު ކުރުމަށްޓަކައި ޕަބްލިކް ސްޕީކިންނަށް ކޯޗެއް ހޯދާނެ ކަމަށް ފައިސަލް ވިދާޅުވުމުން ކޮންމެވެސް ވަރެއްގެ ސަޕޯޓެއް ރާއްްޖޭގެ ރައްޔިތުންގެ ފަރާތުން ފައިސަލަށް މިވަނީ ލިބިފައެވެ. ނަމަވެސް މީގަ ވެސް ހައިރާންވީ ފައިސަލަށް ފައިސަލްގެ ނާގާބިލް މިންވަރު ހާމަނުވާތީއެވެ. ދެން އިތުރަށް ފައިސަލް މި ވިދާޅުވަނީ ތިމަންނާ ޕަބްލިކް ސްޕީކިންގ ރަނގަޅުކުރަން ބޭނުން ވަނީ ރާއްޖޭގެ ޓުއަރިޒަމް މިނިސްޓަރަށް ވީމާ ރާއްޖޭގެ ރައްޔިތުން ބޭނުންވާ ވަކި ސްޓޭންޑާޑެއް ހުންނާތީއެވެ.ފައިސަލެވެ. މީގެ ކުރިން ހަމަ އެވަރު މަނިކުފާނަށް އެނގިނުލައްވަނީތޯއެވެ.

ފައިސަލް ވޮށުފިލާ އަޅައި ނިންމައިގެން، އޯލެވެލް ހަދާފައި، ދާއިރާއިން ޑިގްރީ ހާސިލް ކުރީމާ ވަޒީރުކަން ހަވާލުކުރަންވީނުންތޯ؟ އެއީ ފުދޭވަރަކަށް ދުވަހެވެ. ވެރިކަމަކީ ވެސް 5 އަހަރުގެ ކަމަކަށްވާއިރު ފައިސަލް ތައުލީމީގޮތުން ގާބިލް ވެގެން އެނބުރި އަންނަން އަދުރޭ ގެ ހިސާބުން ވަރަށް ދުވަސް ނަންގަވާނެކަމީ ޝައްކެއް އޮތްކަމެއް ނޫނެވެ. އެހެންކަމުން ފައިސަލް ގާބިލް ވަންދެން އެ މަގާމަށް ކުފޫ ހަމަވާ، އިލްމީ ގޮތުން ގާބިލް، ތަޖުރިބާ ހުރި ފަރާތެއް އައްޔަން ކުރުން ކިހިނެއްތޯ؟