ތިމަންނާއަކީ އަދުރޭގެ ދަރިއެކޭ ބުނެ އަދުގެ ޓުއަރިޒަމް މިނިސްޓަރު އިބްރާހިމު ފައިސަލް މެޑަލް ޖަހަމުންދާ ދިއުމަށް ކުރީގެ ކޮމިޝަނަރ އޮފް ޕޮލިސް ހުސެއިން ވަހީދު ފާޑުވިދާޅުވެއްޖެއެވެ.

އާދިއްތަ ދުވަހުގެރޭ ދަ ފްރޮންޓު އޮފީހުގައި ބޭއްވި ޖަލްސާގައި ވާހަކަ ދައްކަވަމުން ހުސެއިން ވިދާޅުވީ، ފައިސަލްގެ ހިތްވަރެއް ހުރި ނަމަ ސިޔާސީ މައިދާނުގައި އަމިއްލަ ސާބިތުކަން ދައްކާ މީހުންގެ މެދުގައި މަގްބޫލުކަން ހޯދަން ޖެހޭ ކަމަށެވެ.

އޭގެ ބަދަލުގައި ތިމަންނާއަކީ އަދުރޭގެ ދަރިއެކޭ ބައްޕަ ތިމަންނާއާ މެދު ވަރަށް ފަޚްރުވެރިއޭ ބުނެ ވާހަކަ ދައްކާ މެޑަލް ޖަހަން އުޅުމަކީ އެއީ ކަމުދާ ގޮތެއް ނޫން ކަމަށް ވެސް ހުސެއިން ވިދާޅުވިއެވެ.

ހުސެއިން އިތުރަށް ވިދާޅުވީ، ފައިސަލްއަކީ ރާއްޖޭގެ ޓުއަރިޒަމް މިނިސްޓަރު ކަމަށާ އެހެންކަމުން އެ ރޮގުން ނަމަހީވެސް ކާމިޔާބީ ހޯދައިގެން އޭނާއަށް ވާނެކަން ދައްކަން ޖެހޭ ކަމަށެވެ.