އިހްސާސްކުރެވޭ ފިނިހޫނުމިން މިއަދު ވެސް ރާއްޖޭގެ އެކި ހިސާބުތަކުގައި ވަރަށް މަތިކަމަށް ދައްކައިފިއެވެ.
މޫސުމާ ބެހޭ ގައުމީ އިދާރާ (މެޓު) އޮފީހުން އާންމުކޮށްފައިވާ މައުލޫމާތަށް ބަލާއިރު، ވިއްސާރަ، މޫސުން ގޯސް ދުވަސްތަކަކަށް ފަހު ބައެއް ހިސާބުތަކުގެ ހޫނިމިން ވަނީ ވަރަށް މައްޗަށް ގޮސްފައެވެ.
އެގޮތުން މިއަދު 11:00 ޖެހިއިރު އެކި ސަރަހައްދުތަކަށް އިހްސާސް ކުރެވުނު ހޫނުމިން ހުރި މިންވަރަށް ބަލާއިރު:
ފިނި ހޫނުމިނަށް ބަލާއިރު އެންމެ މަތީގައި އުޅެނީ ހުޅުލެެ އާއި ކާޑެއްދޫ ސަރަހައްދެވެ. ހުޅުލެ އާއި ކާޑެއްދޫގައި ފިނިހޫނުމިން ހުރީ 32.1 ޑިގްރީ ސެލްސިއަސްގައެވެ.
ހއ. ހަނިމާދޫ ފިނިހޫނުމިން 29.5 ޑިގްރީ ސެލްސިއަންގައި އުޅޭއިރު، ލ. ކައްދޫގެ ފިނި ހޫނުމިން އުޅެނީ 31.3 ޑިގްރީ ސެލްސިއަސްގައެވެ. އަދި އައްޑޫ ސިޓީ ގަމުގެ ފިނިހޫނުމިން ހުރީ 31.4 ޑިގްރީ ސެލްސިއަސްގައެވެ.
މި އަހަރަކީ "އެލްނީނޯ" އަހަރެއް ކަމަށް ވުމުން ހޫނުމިން އިތުރަށް މަތިވުމުގެ ފުރުސަތު އޮތްކަން ދުނިޔޭގެ މޫސުމާ ބެހޭ ޖަމިއްޔާއިން ލަފާކޮށްފައިވެސް ވެއެވެ.
