ދަތުރުކުރަމުން ދަނިކޮށް މޫސުން ގޯސްވުމުގެ ސަބަބުން، ޓަރބިއުލެންސް އެއްގައު ޖެހ، ސިންގަޕޯރ އެއާލައިންސްގެ ފްލައިޓެއްގައި ގިނަ ބަޔަކަށް އަނިޔާވެ، އެކަކު މަރުވެއްޖެއެވެ.
ފްލައިޓް އެސް.ކިއު 321 ލަންޑަން ހީތްރޯ އެއާޕޯޓުން ސިންގަޕޫރަށް ކުރި މި ދަތުރުގެ ހާދިސާ ހިނގާފައިވަނީ މިއަދުގެ ވަގުތެއްގައެވެ.
ހާދިސާ މެދުވެރިވުމާއެކު، ތައިލެންޑްގެ ބެންކޮކްގައި، ފްލައިޓް ވަނީ އިމަޖެންސީކޮށް ލޭންޑް ކޮށްފައެވެ.
މި ހާދިސާގައި 20 މީހަކަށް އަނިޔާވެފައިވާއިރު، މިހާތަނަށް މަރުވި ކަމަށް ރިޕޯޓްކޮށްފައިވަނީ އެންމެ މީހެކެވެ. މި ފްލައިޓުގައި ޖުމްލަ 211 ފަސިންޖަރުންނާއި 18 ކްރޫއިން އައީ ދަތުރުކުރަމުންނެވެ. ހާދިސާއާ ގުޅިގެން ސިންގަޕޫރު އެއާލައިނުން ނެރުނު ބަޔާނެއްގައި ވަނީ އެންމެ އިސްކަން ދެނީ ފަސިންޖަރުންނާއި ކްރޫންނަށް އެހީތެރިކަން ފޯރުކޮށްދިނުމަށް ކަމަށެވެ.
އަދި ތައިލެންޑުގެ އިދާރާތަކާ ގުޅިގެން ސިއްހީ ފަރުވާ ފޯރުކޮށްދިނުމަށް އިންތިޒާމް ހަމަޖައްސަމުން އަންނަކަމަށް ވެސް ބުންޏެވެ. މީގެ އިތުރުން އެއާލައިންގެ ޓީމެއް ބެންކޮކަށް ފޮނުވުމަށް ތައްޔާރުވަމުން އަންނަކަމަށް ވަނީ ބުނެފައެވެ.
