ދިވެހިރާއްޖޭގެ ތާރީޚުގައިވެސް މަސްވެރިންނަށް އެންމެ ނިކަމެތިކޮށް އަމަލުކޮށްފައިވަނީ ޑރ މުއިއްޒުގެ ސަރުކާރުން ކަމަށް މަސްވެރިން ބުނެފިއެވެ.
ސަރުކާރަށް 6 މަސް ވެގެން ދިޔައިރު، މި ސަރުކާރު ވެފައިވަނީ މަސްވެރިން ރެޔާއި ދުވާލު ކުރާ ބުރަ މަސައްކަތުގެ އުޖޫރަ ހޯދުމަށް ސަލާން ޖެހުނު 6 މަސް ކަމުގައެވެ.
މިއީ ކަންކަން ރަނގަޅު ކުރަން އައި ސަރުކާރުގެ ނާގާބިލް ކަން ދައްކުވައިދޭ މިސާލެކެވެ. ނާގާބިލު ވެރިންނާއި ވުޒާރާތައް ހަވާލުކުރުމުން އާންމު ރައްޔިތުން އުފުލަމުންދާ ތަކުލީފުތައް ދަނީ އިންތިހާއަށް ގިނަވަމުންނެވެ.
އޭޕްރީލް 22 ހަމައަށް މަސްވެރިންނަށް ފައިސާ ދޫކޮށްފައިވާ ކަމަށް މިނިސްޓަރ ޝިޔާމު ވިދާޅުވެފައިވާއިރު، އޭގެ ފަހުން މަސްވެރިންނަށް ބާނާ މަހުގެ ހަމަ އަގު ލިބިފައިނުވުމަކީ ހިތާމަކުރާ ކަމެކެވެ.
ދުނިޔޭގެ ކަނޑުތަކުގެ ދުވަސް ފާހަގަކުރުމަށް "ކަނޑުރޯދި އުފާ" ނަމުގައި ފެސްޓިވަލް އެއް ބޭއްވުމަށް ފިޝަރީސް މިނިސްޓްރީ އިން ނިންމަވާފައިވާއިރު، މަސްވެރިން އަދިވެސް ތިބީ މިފްކޯއަށް ސަލާންޖެހުމުގައެވެ.
