އައު ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ފުރަތަމަ ރިޔާސީ ބަޔާން އިއްވާ ދުވަހަކީ ސަރުކާރު ބަންދު ނޫން ދުވަހެއްގެ ގޮތުގައ ކަނޑައަޅައިފިއެވެ.

އެ ދުވަހަކީ ބަންދޫ ނޫން ދުވަހެއްގެ ގޮތުގައި ކަނޑައަޅާ އެކަން އިއުލާންކޮށްފައިވަނީ ރައީސް އޮފީހުން ކުރި އިއުލާނެއްގައެވެ.

އެގޮތުން އިއުލާނުގައި ވާ ގޮތުގައި ފެބްރުއަރީ ފަސް ވަނަ ރައީސް ޑރ. މުހައްމަދު މުއިއްޒުގެ ފުރަތަމަ ރިޔާސީ ބަޔާން އިއްވާނެއެވެ. އަދި އެ ދުވަހަކީ ރަސްމީ ބަންދު ދުވަހެއް ނޫން ކަމަށް ކަނޑައަޅާފައިވާ ކަމަށްވެސް ވެއެވެ. ނަމަވެސް އޭގެ އިތުރު ތަފްސީލެއް ރައީސް އޮފީހުން ހާމަކޮށްފައި ނުވެއެވެ.

މީގެ ކުރީގައި ރިޔާސީ ބަޔާން އިއްވާ ދުވަހަކީ ސަރުކާރު ބަސް ދުވަހެކެވެ.

މަޖިލީހުގެ ދައުރު މި އަހަރަށް ފެށުމުގެ ގޮތުން ބާއްވާ ޖަލްސާގެ ތައްޔާރީތައް މިހާރު ފަށާފައިވާ ކަމަށް މަޖިލީހުގެ އިދާރާއިން ވަނީ ހާމަކޮށްފައެވެ. ޖަލްސާ އޮންނާނީ ފަސްވަނަ ދުވަހުގެ ހެނދުނު 9:00 ގައެވެ.

މަޖިލީހުގެ ޖަލްސާތައް އަންނަ މަހު ފަށާއިރު މުހިންމު މަސައްކަތްތަކެއް އޮތީ ތޮއްޖެހިޖެހިފައެވެ. އޭގެ ތެރޭގައި ސަރުކާރުގެ ކެބިނެޓަށް ރުހުން ދިނުމުގެ މައްސަލަ ހިމެނެއެވެ.