ސްކޫލް ހުޅުވަން 1 ދުވަހަށް ވެފައިވާއިރު ރާއްޖެތެރޭ ގިނަ ސްކޫލްތަކަށް ފޮތްލިސްޓްތަކަށްވާ ފޮތް ނުލިބޭކަން ހާމަވެއްޖެއެވެ.

ތޭރަ އޮންލައިން އަށް މައުލޫމާތު ލިބުނު ގޮތުގައި ދަރިވަރުންގެ ތައުލީމަށް އަހައްމިއްޔަތު ކަން ބަހައްޓައިގެން ނިންމަންޖެހޭ އިދާރީ މަސައްކަތް ނިންމާފައި ނުވާތީ ފޮތް ލިސްޓަށް ފޮތްތައް ނުދެވެއެވެ.

އިންތިޒާމް ވެފައިވާ މިންވަރުން ސްކޫލްތަކަށް ބޭނުންވާ ދަރިވަރުންގެ ފޮތްތައް ކުރިއަށް އޮތް މަސްދުވަހުންވެސް ދެވޭނެ ކަމުގެ ޔަގީންކަމެއް ނެތް ކަމަށްވެއެވެ.

މި ސަރުކާރުން ވެރިކަމަށް އައީ ތައުލީމަށް ހާއްސަ އަހަމިއްޔަތުކަމެއް ދެއްވާނެ ކަމުގެ ވައުދާއެކުގައެވެ. ނަމަވެސް ފެނިގެންދަނީ ތަފާތު މަންޒަރެއް ކަމުން ގިނަ ބަޔަކު އަންނަނީ ސަރުކާރަށް ފާޑުކިޔަމުންނެވެ.