ފަލަސްތީނުގެ ދައުލަތް ގަބޫލުކުރުމަށް ގިނަ ގައުމުތަކަކުން ނިންމި ނިންމުމަށް ރާއްޖެއިން މަރުހަބާ ކިޔައިފި އެވެ.

ފަލަސްތީނުގެ ދައުލަތް ދުނިޔޭގެ 143 ގައުމަކުން ބަލައިގަނެފައިވާއިރު،. އެ ލިސްޓަށް ނޯވޭ، ސްޕެއިން އަދި އަޔަލެންޑް ވަނީ އިތުރުވެފައިކަން ފާހަގަކޮށްލެވެއެވެ.

ރާއްޖޭގެ ހާރިޖީ ވުޒާރާއިން ބުނީ، ފަލަސްތީނާއި ފަލަސްތީނުގެ ދައުލަތް ގަބޫލުކުރުމަށް ގިނަ ގައުމުތަކަކުން ނިންމި ނިންމުމަށް ރާއްޖެއިން މަރުހަބާ ކިޔާ ކަމަށެވެ.

އަދި ރާއްޖޭން ވަނީ އެކަން ނުކުރާ ގައުމުތަކުން މިނިވަން މުސްތަގިއްލު ދައުލަތެއް ގާއިމުކުރުމަށް ކުރާ މަސައްކަތުގައި ފަލަސްތީނުގެ ރައްޔިތުންނަށް އެއްބާރުލުން ދިނުމުގެ ސްޓޭންޑަށް އަމަލުކުރުމަށް ގޮވާލާފައެވެ.

މިއަހަރު ފަލަސްތީނު ބަލައިގެންފައިވާ ގައުމުތަކުގެ ތެރޭގައި ބަހާމާސް، ޓްރިނިޑާޑް އެންޑް ޓޮބޭގޯ، ޖެމެއިކާ އަދި ބާބާޑޯސް ހިމެނެއެވެ.

އިސްރާއިލުން ފަލަސްތީނުގައި ހިންގަމުން ގެންދާ ގަތުލްއާންމާ ދެކޮޅަށް ރާއްޖޭން އަންނަނީ އަބަދުވެސް އަޑުއުފުލަމުންނެވެ.