ސްކޫލްކުދިންގެ ފޮތްތައް ހަމަނުވިނަމަވެސް މިލިއަންތަކެއް ހަރަދުކޮށްގެން ރައީސް ޑރ. މުޙައްމަދު ވަނީ ރާއްޖެއިން ބޭރުގައި ކަމަށް ވިދާޅުވެ ޕީއެންއެފްގެ ސެކެރެޓަރީ ޖެނެރަލް މުހައްމަދު މަލީހު ޖަމާލުގެ ފާޑުކިޔުން އަމާޒުކުރައްވައިފިއެވެ.
މަލީހު އެކްސްގައި ކުރެއްވި ޕޯސްޓެއްގައި ވިދާޅުވީ މި އާދިއްތަ ދުވަހު ސްކޫލަށް ދަރިވަރުން ނިކުންނަ އިރު އެ ދަރިވަރުންގެ ފޮތްތައް ހަމަނުވެ ހުރި ކަމުގައި ވީނަމަވެސް ރާއްޖޭގެ ރައީސް މިހާރު ވަނީ މިލިއަން ޚަރަދުކޮށްގެން ކެރީބިއަންގެ އެންޓީގުއާ އެންޑް ބާރބިއުޑާގައި ކަމަށެވެ.
ރައީސް ޑރ. މުއިއްޒު ކެރިބިއަންއަށް ދަތުރުފުޅުކުރަައްވާފައި ވަނީ ހަތަރުވަނަ ބައިނަލްއަޤްވާމީ ކޮންފަރެންސް އޮން ސްމޯލް އައިލެންޑް ޑިވެލޮޕްމަންޓް ސްޓޭޓްސް (އެސްއައިޑީއެސް) ގައި ބައިވެރިވެވަޑައިގަތުމަށެވެ.
ނަމަވެސް މަލީހު ވިދާޅުވީ މިދާ ރޭޓުން ރައީސް. މުއިއްޒު އެހެން ޤައުމުތަކުގެ ވަޒީރުންގެ ކައިވެނީގެ ހަފްލާޔަށްވެސް ދަތުރުފުޅުކުރައްވަން ފައްޓަވާނެ ކަމަށެވެ.
ވެރިކަމާއި ހަވާލުވެވަޑައިގަތުމަށް ފަހު ރައިސް. މުއިއްޒު ވަނީ އެތައް މިލިއަނެއް ހަރަދުކޮށްގެން ބޭރުގެ އެކި ގައުމުތަކުގެ އިވެންޓުތަކުގައި ބައިވެރިވެޑައިގަތުމަށް ދަތުރުފުޅުކުރައްވާފައިއެވެ.
މިއީ ވެސް އެފަދައިން އެމަނިކުފާނު ކުރައްވާ ދަތުރުފުޅެއްކަން ފާހަގަކޮށްލެވެއެވެ.
