"ދަ ކޮމޮނާސް" އިން ފޭސް 2 ގައި އުޅޭ ރައްޔިތުންނަަށް 44 ޓަނުގެ ފިޔާ ބެހުމުގެ މަަސައްކަތް ފަށައިފިއެވެ.
މި މަސައްކަތް ފަށާފައި ވަނީ އާދިއްތަދުވަހުވެ 09:00 ގައި އެވެ. އަދި 09:45 ވަނީ ހިޔާ ޓަވަރު އެޗް 4 ގައި ދިރިއުޅޭ ރައްޔިތުންނަށް ފިޔާ ބަހަން ފެށިފައިއެވެ.
ދަ ކޮމޮނާސް އިން ޗެނަލް 13 އަށް މައުލޫމާތު ދެމުން ބުނެފައި ވަނީ މަސައްކަތް ފެށުނުތާ އެއް ގަޑިއިރު ތެރޭ 800 މީހުންނަ ފިޔާ ބެހިފައި ވާކަމަށެވެ.
44 ޓަނުގެ ފިޔާ ބެހުމުގެ މަސައްކަތް އެ 44 ތަނު ހުސްވަންދެން ކުރިއަށް ދާނެ ކަމަށާއި ބަހަމުން އަންނަނީ ބޮލަކަށް 5 ކިލޯގެ ފިޔާ ކަމަށްވެސް ދަ ކޮމޮނާސްއިން ވަނީ ބުނެފައިއެވެ.
ކޮމޮނާސްއިން އިތުރަށް ބުނެފައި ވަނީ އެ ޖަމިއްޔާއިން ހިންގާ މިފަދަ ހަރަކާތްތަކަށް ރައްޔިތުންގެ ފުރިހަމަ ތާއީދާއި އެއްބާރުލުން ލިބޭަކަން ފާހަގަކޮށްފައިއެވެ.
