ސިނަމާލެ ބްރިޖު ކައިރިން ކަނޑުމަތިން އޮޔާ ދަނިކޮށް ނެގި އަންހެން މީހާ އަކީ ބިދޭސީއެއް ކަމަށް ފުލުހުން ހާމަކޮށްފިއެވެ.

ހޮނިހިރު ދުވަހުގެ މެންދުރު 12:30 ހާ ކަން އިރު މީހެއްގެ ހަށިގަނޑު ސިނަމާލެ ބުރިޖާ ދިމާލުން އޮޔާ ދާކަމުގެ މައުލޫމާތު ފުލުހުންނަށް ލިބުމާއެކު ފުލުހުންގެ ޓީމަކުން ގޮސް އެ ހަށިގަނޑު ނަގައިގެން އައިޖިއެމްއެަޗަށް ގެންދިޔަ ކަމަށް މައުލޫމާތު ހިއްސާކޮށްފައިވެއެވެ.

ނަމަވެސް އެ ހަށީގަނޑު އައިޖީއެމްއެޗަށް ގެންދިޔައިރުވެސް އެމީހާ އޮތީ މަރުވެފައި ކަމަށާ އެއީ އަންހެނެއް ކަމަށް ފުލުހުން ހާމަކޮށްފައިވެއެވެ.

އެކަމާ ގުޅިގެން ހާމަކުރި އަދާހަމައިގައި ފުލުހުން މިއަދު ބުނެފައިވަނީ އެ މީހާއަކީ ބިދޭސީ މީހެއް ކަމަށެވެ. ނަމަވެސް އޭނާ އަކީ ކޮން ގައުމެއްގެ މީހެއް ކަމެއް ފުލުހުން ހާމަކޮށްފައިނުވެއެވެ. އަދި އެމީހާ އޮޔާދާން ދިމާވީ ކީއްވެ ކަމެއްވެސް ހާމަކޮށްފައިނުވެއެވެ.