ބަނޑޭރިކޮށި (ބީކޭ)ގެ ގެއަކު މަރުވެފައި އޮއްވާ ފެނުނު މީހާ ރޭ ވަޅުލައިފިއެވެ.

މީގެ 12 ދުވަސް ކުރީން ބަނޑޭރިކޮށީގެ ގެއަކު މަރުވެފައި އޮއްވާ ފެނުނީ ގދ. ހޯނޑެއްދޫ ވިލިގިލީގެ ހަމްމާދު ސައީދެވެ. އެއީ އުމުރުން 30 އަހަރުގެ މީހެކެވެ. އޭނާ ވަޅުލީ ޕޯސްޓްމޯޓަމް ހެދުމަށް ފަހުއެވެ.

ވަޅުލީ ރޭ 8:30 ގައި ހުޅުމާލެ ސަހަރާގައެވެ.

އޭނާ މަރުވި ސަބަބު ދެނެގަތުމަށް ޕޯސްޓުމޯޓަމް ހެދުމަށް ނިންމީ މަރާމެދު ކޮން ތުހުމަތެއް އޮތުން ކަމެއް ސާފެއް ނުވެ އެވެ. ފުލުހުން ބުނީ ރިޕޯޓް ލިބެން އަދި ދުވަސްކޮޅެއް ނަގާނެ ކަމަށެވެ.

ރާއްޖޭގައި އަދި އޮޓޮޕްސީ ހެދުމުގެ ހިދުމަތް ފެށިފައި ނެތްއިރު، ފުލުހުންގެ ތަހުގީގުތަކަށް އޮޓޮޕްސީ ހަދަނީ އިންޑިއާއަށް ފޮނުވައިގެންނެވެ.