އިންޑިއާގެ ހިލޭ އެހީގެ ދަށުން ކުރިއަށް ގެންދަން ރާވާފައި ހުރި މަޝްރޫޢުތަކާ ގުޅޭގޮތުން އިންޑިއާއާއެކު ސަރުކާރުން މަޝްވަރާ ބައްދަލުވުމެއް ބާއްވައިފިއެވެ

އިންޑިޔާ ސަރުކާރުގެ ހިލޭ އެހީގައި ރާއްޖޭގައި ކުރިއަށް ގެންދަން ރާވާފައިވާ މަޝްރޫއުތަަށް މުރާޖާ ކުރުމަށް އިއްޔެ ބޭއްވި މި ބައްދަލުވުން ކުރިއަށް ގެންގޮސްފައިވަނީ ޚާރިޖީ ވުޒާރާ އާއި އިންޑިއާ އެބްސީން ގުޅިގެންނެވެ.

އިންޑިޔާ އަށް އަޅުވެތި ނުވުމުގެ ސިޔާސަތުތައް ޕްރޮމޯޓް ކުރައްވަމުން ރައީސް މުއިއްޒު ވެރިކަމަށް ވަޑައިގަތް، އެމް.ޑީ.ޕީ ސަރުކާރުން ނުބާއްވާހާ ގާތް ގުޅުން އިންޑިޔާ އާއި ބާއްވަމުންދާކަން ފާހަގަކުރެވެއެވެ. މިގޮތުން އިންޑިޔާ ސިފައިން މިގައުމުން ބޭލުމުގެ ރިޔާސީ ވައުދު ފުއްދުމަށް ނުކުޅެދިފައިވާއިރު، އިންޑިޔާގެ ހިލޭ އެހީގެ ނަމުގައި އެކި ޕްރޮޖެކްޓްތައް ފެށުމަށް ދަނީ މަސައްކަތް ކުރަމުންނެވެ. މި ހިލޭ އެހީތަކުގެ ފަހަތުގައިވަނީ ހިންގަނީ ކޮން ޖަރީމާތަކެއްތޯ އިނގޭނީ ބިތު ފަންގި ނަގާ ދުވަހަކުންނެވެ.

ސަރުކާރުން ހިންގާ މުއާމަލާތްތައް ސާފު ސީދާކޮށް ރައްޔިތުންނަށް އިނގޭނެ ހެން ހާމަކުރާނެކަމަށް ސަރުކާރުން ވިދާޅުވެފައިވާއިރު، ދިވެހިންގެ ރާއްޖޭގެ ރައްޔިތުން މިތިބެން ޖެހެނީ ކޮންމެ ކަމެއްގައިވެސް ވާނުވާގައެވެ.